ყველაზე ავბედითი დისტოპიური სერიალი ბრუნდება. Black Mirror (შავი სარკე) მაყურებელს სულ მალე მე-7 სეზონს შესთავაზებს. ნეტფლიქსზე სეზონის პრემიერამდე თვეზე ნაკლები დრო რჩება, მანამდე კი შეგვიძლია ტრეილერს შევავლოთ თვალი.

შავი სარკის არსებობის ისტორიაში პირველად, ახალ სეზონში სერიალი წინა ეპიზოდის ამბავს უბრუნდება გასაგრძელებლად. ამჯერად ჩვენ ისევ შევხვდებით პერსონაჟებს მე-4 სეზონის პირველი სერიიდან, USS Callister, რომელმაც ემის ჯილდოც კი დაიმსახურა. ამ ეპიზოდში ჩნდება პროგრამისტი კრისტინ მილიოტი, რომელიც უნებურად აღმოჩნდება თავისი უფროსის შექმნილი ვიდეოთამაშის სამყაროში.

და თუ რას უნდა ველოდოთ ამბის გაგრძელებისგან, ამას 3-წუთიანი ტრეილერიდან ვიგებთ.

ნაცნობ სახეებთან ერთად, შავი სარკის მე-7 სეზონში ბევრ ახალ მსახიობსაც შევხვდებით. მათ შორის არიან კომიკოსი და რეპერი Awkwafina, The Crown-ის ვარსკვლავი ემა კორინი და The Office-ის მსახიობი რაშიდა ჯოუნსი.

ანთოლოგიური სერიალი შავი სარკე, რომლის შემქმნელი ჩარლი ბრუკერია, მაყურებელმა პირველად 2011 წელს იხილა. სამეცნიერო ფანტასტიკის ჟანრის ერთ-ერთ საუკეთესო ნიმუშად მიჩნეული სერიალის თითოეული ეპიზოდი დამოუკიდებელი ისტორიაა, რომელიც, როგორც წესი, ახლო მომავალში ვითარდება და ტექნოლოგიების საზოგადოებაზე გავლენაზე გვიყვება. სერიალმა არაერთი პრესტიჟული ჯილდო მოიპოვა.

რაც შეეხება მე-7 სეზონს, მაყურებელი მას 10 აპრილს იხილავს.

ასევე იხილეთ:

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…