"ბათუმელების" და "ნეტგაზეთის" დამფუძნებლის, მზია ამაღლობელის გათავისუფლების მოთხოვნით, დღეს, 16 იანვარს, საზოგადოებრივ მაუწყებელთან ჟურნალისტების აქცია გაიმართება.

ორგანიზატორების ინფორმაციით, აქცია 20:00 საათზე გაიმართება ლოზუნგით — "თავისუფლება მზია ამაღლობელს".

შეგახსენებთ, მზია ამაღლობელს ბათუმის საქალაქო სასამართლომ აღკვეთის ღონისძიების სახით პატიმრობა შეუფარდა. გადაწყვეტილება მიიღო მოსამართლე ნინო ხელაშვილმა.

ამაღლობელს ბრალი სისხლის სამართლის კოდექსის 353-ე პრიმა მუხლით აქვს წაყენებული, რაც პოლიციელზე თავდასხმას გულისხმობს. იგი ორჯერ დააკავეს პოლიციის მთავარ სამმართველოსთან აქციის მიმდინარეობისას, პირველად ადმინისტრაციული წესით და დაახლოებით ორ საათში გამოუშვეს. გათავისუფლებიდან მალევე, რამდენიმე წუთში ის კვლავ დააკავეს