"მერმა გააკეთა განცხადება, რომ თითქოს სამუშაოები ამოვწურეთ და ყველ პროგრამა დანერგილია და მეტი სამუშაო აღარ არის. ეს ტრაგიკული განცხადებაა თითოეული მოსახლისთვის", — შშმ პირთა საკითხებზე მომუშავე საბჭოს აღმასრულებელი მდივანი, გიგა სოფრომაძე, რომელიც სამსახურიდან, სავარაუდოდ, პოლიტიკური ნიშნით, 25 დეკემბერს გაათავისუფლეს, ქალაქის მერს, კახა კალაძეს პასუხობს.

შეგახსენებთ, რომ კალაძემ 27 დეკემბერს თქვა, რომ მერიიდან პოლიტიკური ნიშნით არავინ გაუთავისუფლებიათ.

"მერმა გააკეთა განცხადება, რომ თითქოს სამუშაოები ამოვწურეთ და ყველ პროგრამა დანერგილია და მეტი სამუშაო აღარ არის. ეს ტრაგიკული განცხადებაა თითოეული მოსახლისთვის. რა სამუშაოები ამოვწურეთ? ყველაფერი გამართულია ქვეყანაში შშმ პირებთან მიმართულებით? აღარ გვაქვს ქვეყანაში პრობლემები, რომლებიც მოსაგვარებელია, ან აღარ გვჭირდება სტანდარტების დანერგვა?

…ვინც დედაქალაქის მერს, კახა კალაძეს აწვდის ინფორმაციას, რომ დედაქალაქში ყველაფერი კარგადაა, მტრების არიან, ტყუილს ეუბნებიან, ტყუილზე ათქმევინებენ, რომ თითქოს სიმართლეა, ვერ დაიმალება და სიმართლე ყოველთვის პოულობს თავის გზას და ამ შემთხვევაში იქნება ასე", — ამბობს შშმ პირთა საკითხებზე მომუშავე საბჭოს აღმასრულებელი მდივანი, გიგა სოფრომაძე.

NEWS.ON.ge-სთან გიგა სოფრომაძე იმ კანონების მანკიერებებზეც საუბრობს, რომლებიც ოცნების ხელისუფლებამ მიიღო.

"თავშივე ვამბობდი, რომ რუსული კანონი იქნებოდა დამღუპველი ჩვენი ქვეყნისთვის და არავის მოუტანდა სიკეთეს, ჩვენ, საჯარო სამსახურში დასაქმებულები ვხედავდით ამ კანონის საშინელებებს. იმიტომ, რომ პრაქტიკული ცოდნა გვაქვს კანონების აღსრულების და ვიცით ის ეტაპები რაც უნდა გატარდეს რომ კანონი მოქმედებაში შევიდეს და ამ კანონში იყო უღირსი ელემენტები, რომ მეგობარს, რომელიც ათწლეულების განმავლობაში გეხმარება, ფინანსურ დახმარებას გაძლევს, ცოდნით, სერვისებით, სტანდარტებით გეხმარება და უცებ უნდა მოტრიალდე და დაუძახო მოღალატე და მტერი, რაც ქართველების ხასიათში არ ზის, არც რელიგიაში არ გვიდევს ჩვენ. 10 მცნებიდან არც ერთში არ წერია, რომ უნდა ვიცრუოთ, ცილი დავწამოთ და დავასმინოთ ვინმე", — ამბობს შშმ პირთა საკითხებზე მომუშავე საბჭოს აღმასრულებელი მდივანი, გიგა სოფრომაძე, რომელიც სამსახურიდან, სავარაუდოდ, პოლიტიკური ნიშნით, 25 დეკემბერს გაათავისუფლეს.

ამავე თემაზე: