ტელეკომპანია რუსთავი 2-ის ჟურნალისტის შეკითხვას, დაისაჯა თუ არა რომელიმე სამართალდამცველი ძალის გადამეტების გამო, ქართული ოცნების დეპუტატი ლევან მაჭავარიანი თავს არიდებს.

რუსთავი 2-ის ჟურნალისტი დავით კაკულია სამართალდამცველების მხრიდან ძალის გადამეტებაზე საუბრობს და ქართული ოცნების წევრს ლევან მაჭავარიანს უსვამს შეკითხვას — დაისაჯა თუ არა ჩადენილი დანაშაულის გამო ვინმე?

"თქვენ ახსენეთ, რომ იყო პოლიციის მხრიდან ძალის გადამეტება, შეგიძლიათ დამისახელოთ ერთი ფაქტი, ერთი სამართალდამცველი, რომელიც ძალის გადამეტებისთვის დაისაჯა, მათ შორის ჩემი კოლეგების ცემისთვის, გურამ როგავა ამ დრომდე რჩება საავადმყოფოში. ის არის სასტიკად ნაცემი და შესაძლოა, გადარჩა სიკვდილს, მთელმა საქართველომ ნახა ეს კადრები. ასევე ნაცემები არიან სხვა ჩემი კოლეგები", — ამბობს დავით კაკულია.