2 დეკემბრის მონაცემებით, ლარი დოლართან 6.86 თეთრით გაუფასურდა, ხოლო ევროსთან — 6.19 თეთრით, აქედან გამომდინარე, ერთი დოლარის ოფიციალური გაცვლითი კურსია — 2.8478 ლარი, ხოლო ერთი ევროსი — 2.9967.

ამასთან, აღსანიშნავია, რომ 2 დეკემბრის ვაჭრობის შედეგას, ლარი 43-ვე, ანუ ბაზარზე არსებულ ყველა ვალუტასთან გაუფასურდა.

რაც შეეხება კომერციულ ბანკებს, 1 დოლარი 2.95 ლარი ღირს, 1 ევრო — 3.11 ლარი. სავალუტო ჯიხურებში 1 დოლარის ფასი 2.91 ლარია, ევროსი — 3.07 ლარი.

საქართველოს ეროვნულმა ბანკმა, მხოლოდ ოქტომბრის თვეში გამართა ოთხი სავალუტო აუქციონი და 213.4 მილიონი დოლარი გაყიდა. თუმცა ლარის კურსი ბოლო ორი ვაჭრობისას, განსაკუთრებულად მას შემდეგ გაუფასურდა, რაც მმართველმა პარტია ქართულმა ოცნებამ ევროკავშირთან მოლაპარაკებების გახსნის პროცესი ოფიციალურად 2028 წლამდე შეაჩერა. 28 ნოემბრის შემდეგ, ლარი დოლართან და ევროსთან 10-10 თეთრით გაუფასურდა.

ხაზგასასმელია ის ფაქტიც, რომ ევროინტეგრაციის შეჩერებაზე ქართული ოცნების გადაწყვეტილების და საპროტესტო აქციების ძალადობრივი დაშლის ფონზე საქართველოსთან სტრატეგიული თანამშრომლობა ამერიკის შეერთებულმა შტატებმა შეაჩერა.