ჩვენ ჯერჯერობით არ გვქონია ამასთან დაკავშირებით მსჯელობა, დაველოდებით ოპოზიციის განაცხადებს (მანდატების ჩახსნასთან დაკავშირებით) და ამის შემდეგ ერთიანად შედგება მსჯელობა ამ საკითხზე — ამის შესახებ განაცხადა საქართველოს პრემიერმინისტრმა, ირაკლი კობახიძემ პარლამენტში ჩატარებულ პლენარულ სხდომაზე.

კობახიძის თქმით, განაცხადის შეტანა ოპოზიციის უფლებაა და მოგვიანებით აღნიშნულ საკითხზე გადაწყვეტილებას პარლამენტი მიიღებს.

"რაც შეეხება მანდატების შეწყვეტას, ეს არის ოპოზიციის უფლება, შეიტანოს განაცხადი ამასთან დაკავშირებით. მოგვიანებით, რა თქმა უნდა, საქართველოს პარლამენტი მიიღებს გადაწყვეტილებას. თქვენ გახსოვთ, ჩვენ შარშან მივიღეთ გადაწყვეტილება მანდატების არ შეწყვეტასთან დაკავშირებით, წელს როგორი იქნება ეს გადაწყვეტილება დამოკიდებულია მსჯელობაზე. ჩვენ ჯერჯერობით არ გვქონია ამასთან დაკავშირებით მსჯელობა, დაველოდებით ოპოზიციის განაცხადებს და ამის შემდეგ ერთიანად შედგება მსჯელობა ამ საკითხზე", — განაცხადა პრემიერმა.

ცნობისთვის, დღეს ოცნების პარლამენტმა მთავრობას ნდობა გამოუცხადა.