ელენ დეჯენერესმა ცოტა ხნის წინ განაცხადა, რომ სთენდ-აფ შოუ, რომელიც Netflix-მა გადაიღო, მისი უკანასკნელი პროექტი იქნებოდა. ახლა კი, მას შემდეგ, რაც თავისი სიტყვებით, "შოუ-ბიზნესიდან გააგდეს", კომიკოსმა ამერიკაც დატოვა.

ელენ დეჯენერესმა და მისმა ცოლმა, მსახიობმა პორშა დე როსიმ, კალიფორნიაში, მონტესიტოში მდებარე თავიანთი სახლი გასაყიდად გამოიტანეს და დიდ ბრიტანეთში გადასახლდნენ. მათი თქმით, გადასახლების გადაწყვეტილება დონალდ ტრამპის საპრეზიდენტო არჩევნებში გამარჯვებას უკავშირდება.

ფოტო: Christopher Polk / Getty Images

დეჯენერესის ახლობელმა TheWrap-ს განუცხადა, რომ ტრამპის დამაჯერებელი გამარჯვება წყვილის ბრიტანეთში გადასახლების მთავარი ბიძგი იყო და რომ ისინი შესაძლოა აღარასდროს დაბრუნდნენ აშშ-ში. ამასთან ერთად, გასულ თვეში დეჯენერესმა კიდევ ერთი უძრავი ქონება გაყიდა $96 მილიონად.

დეჯენერსმა და დე როსიმ ინგლისში, კოტსვოლდის რეგიონში ახალი სახლი შეიძინეს. სწორედ აქ ცხოვრობენ დევიდ და ვიქტორია ბექჰემებიც — ეს ტერიტორია ლონდონის ყველაზე მდიდარი ფენის საყვარელი ადგილია შაბათ-კვირის გასატარებლად.