კვენტინ ტარანტინოს არ უნახავს Dune-ის მეორე ნაწილი და ამას არც აპირებს. დენი ვილნევის ფილმზე რეჟისორმა პოდკასტში სტუმრობისას ისაუბრა. როგორც ტარანტინომ განაცხადა, მას არაფერი აქვს ვილნევის საწინააღმდეგო, უბრალოდ არ აინტერესებს ნახოს ისტორია, რომელიც უკვე ბევრჯერ აქვს ნანახი.

"რამდენჯერმე ვნახე Dune-ის პირველი ნაწილი და ამ ისტორიის ხელახლა ნახვა არ მჭირდება. რიპლის წიგნებს ექვსი, თუ შვიდი ნაწილი აქვს. ფილმის გადაღებას თუ აპირებ, რატომ იღებ იგივე ისტორიას? ეს სიუჟეტი უკვე ორჯერ მაქვს ნანახი და სიმართლე გითხრათ, არცერთი ნაწილი არ მომწონს, ამიტომ საერთოდ არ მაინტერესებს ამის მესამედ ნახვა. თუ სხვა წიგნის მიხედვით გადაიღებთ, შეიძლება შანსი მივცე." — განაცხადა ტარანტინომ.

აღსანიშნავია, რომ იმავე პოდკასტში ტარანტინომ ჯოკერის მეორე ნაწილზეც ისაუბრა და ფილმი კრიტიკოსებისგან დაიცვა.

ფოტო: MSN

ბევრი იზიარებს ტარანტინოს აზრს იმაზე, რომ ჰოლივუდი გადატვირთულია რიმეიქებით, ძველი ისტორიების ახლიდან გადაღებით, თუმცა Dune-ის მეორე ნაწილი მოწონებას იმსახურებს კრიტიკოსებისგან და ზოგიერთი მას წლის საუკეთესო ფილმადაც მოიხსენიებს. მაგალითად, სტივენ სპილბერგმა ფილმს "ერთ-ერთი ყველაზე ბრწყინვალე სამეცნიერო-ფანტასტიკის ჟანრის ნამუშევარი" უწოდა.

"დავიწყებ იმით, რომ არიან რეჟისორები, რომლებიც სამყაროებს ქმნიან. ამ რეჟისორების სია არც ისე გრძელია და მე ღრმად მწამს, რომ თქვენ ამ სიის ახალი წევრი ხართ. თქვენ გადაიღეთ ერთ-ერთი ყველაზე ბრწყინვალე სამეცნიერო ფანტასტიკური ჟანრის ფილმი, რაც კი ოდესმე მინახავს" — მიმართა სპილბერგმა დენის ვილნევს.