ტურიზმის ეროვნული ადმინისტრაციის ხელმძღვანელმა, გიორგი ჩოგოვაძემ დღეს, 16 აგვისტოს ჟურნალისტებს განუმარტა, რომ თანამდებობას არ ტოვებს და ჩვეულ რეჟიმში აგრძელებს მუშაობას. იგი არ ადასტურებს ინფორმაციას მისი შემცვლელს შესახებ:

"ჩვენ ძალიან ბევრი საქმე გვაქვს ტურიზმში გასაკეთებელი. დღევანდელი დღე არაფრით გამორჩეული არ იყო ტურიზმის ადმინისტრაციისათვის".

კითხვაზე უკავშირდებოდა თუ არა მისი გადადგომის შესახებ ინფორმაცია მუსიკალურ ფესტივალ GEM fest-ს, ჩოგოვაძემ თქვა, რომ ტურიზმის განვითარების წარმატება ერთ კონკრეტულ პროექტთან არ უნდა დაკავშირდეს:

"არამგონია სწორი იყოს საქართველოში ტურიზმის განვითარების წარმატების დაკავშირება ერთ კონკრეტულ პროექტთან. მით უმეტეს, როდესაც პროექტს თავისი პასუხისმგებელი პირები ჰყავს".

გიორგი ჩოგოვაძე ასევე გამორიცხავს შიდა დაპირისპირებას ეკონომიკის მინისტრ გიორგი გახარიასთან.

ტურიზმის ეროვნული სააგენტოს ხელმძღვანელის თანამდებობიდან გადადგომის შესახებ ინფორმაცია გუშინ გავრცელდა.