მერაია ქერი 1994 წლის ალბომში, Merry Christmas, შესულმა სიმღერამ, All I Want for Christmas Is You, ნამდვილად შობის დედოფლად აქცია. ახალი წელი და, ზოგადად, საახალწლო განწყობის შექმნა ამ სიმღერის გარეშე წარმოუდგენელია.

საახალწლო განწყობაზე ზრუნვა და დღესასწაულისთვის მზადება კი, ყოველ წლიურად უფრო და უფრო ადრე იწყება. მერაია, თავის ინსტაგრამზე გამოქვეყნებული ბოლო ვიდეოთი, ამ ფაქტს ეხმაურება.

ვიდეოში მომღერალი კერძო თვითმფრინავში ზის, როცა სიმღერის საწყისი ნოტების ფონზე პილოტი მერაიას ესალმება და ეუბნება, რომ ჩრდილოეთ პოლუსზე მიდიან.

"ბოდიში. ჯერ არა." — სიმღერით უპასუხა მერაიამ.

"ყოველთვის მაჩქარებენ" — დასძინა მომღერალმა.

ამ ვიდეოთი მომღერალმა გამოხატა, რომ მას საშობაო სამზადისის ადრე დაწყების ტენდენცია არ მოსწონს. ჩვეულებრივ, ქერისთვის სადღესასწაულო სეზონის ჰელოუინის შემდეგ იწყება.