48 წლის ქეით უინსლეტმა გაამხილა, რომ ტესტოსტერონის თერაპია ჩაიტარა და ჩამქვრალი ლიბიდო ამ გზით აღიდგინა.

ტიტანიკის ვარსკვლავი პარასკევს პოდკასტ How To Fail-ის სტუმარი იყო, სადაც მსმენლის მიერ დასმულ კითხვებს უპასუხა. ერთ-ერთი კითხვა სექსუალური დრაივის დაქვეითებას ეხებოდა — ხალხი უინსლეტს ეკითხებოდა, როგორ უნდა აღმოეჩინათ სექსის სურვილი საკუთარ თავებში ახლიდან.

უინსლეტმა გაამხილა, რომ ამერიკის ერთ-ერთ ცნობილ კლინიკაში (Mayo Clinic) ტესტოსტერონის თერაპია ჩაიტარა და ჰორმონალურ აბებს სვამდა. ამ თერაპიას TRT ეწოდება და სტერეოტიპულად მიიჩნევა, რომ მხოლოდ კაცებისთვისაა განკუთვნილი. უინსლეტის თქმით, "ბევრმა ადამიანმა არ იცის, რომ ტესტოსტერონი სხეულში ქალებსაც აქვთ. როცა მისი რაოდენობა ორგანიზმში მცირდება, შესაძლებელია, რომ მისი დონე შეივსოს და თავს კვლავ სექსუალურად იგრძნობთ."

მსახიობმა დაქვეითებული ლიბიდოს მქონე მსმენელს, ტესტოსტერონის დონისა და ფარისებრი ჯირკვლის შემოწმება ურჩია.