დისნეის ვარსკვლავური ომების სპინ-ოფში პიტერ კუშინგის გამოსახულების გამოყენების გამო უჩივიან. აღსანიშნავია, რომ მსახიობის გარდაცვალების შემდეგ 20 წელზე მეტია გასული.

ლონდონში დაფუძნებული კინოკომპანია Tyburn Film Productions-მა, 2016 წელს გამოსულ Rogue One: A Star Wars Story-ში მსახიობის გამოსახულების გამოყენებასთან დაკავშირებით სამართლებრივი დავა დაიწყო.

კუშინგი 1977 წელს გადაღებულ ვარსკვლავურ ომებში მონაწილეობდა. ეს იყო რიგით პირველი ფილმი ვარსკვლავური ომების ორიგინალურ ტრილოგიაში.

ფოტო: Getty Images

Tyburn Film Productions ამტკიცებს, რომ კუშინგის SFX გამოსახულების გამოყენება Rogue One-ში მსახიობთან 1994 წელს, სიკვდილამდე დადებული კონტრაქტის დარღვევაა.

Rogue One ოსკარზე ორჯერ იყო ნომინირებული და მისმა შემოსავალმა $1 მილიარდზე მეტს მიაღწია.

ფოტო: Getty Images

Lucasfilm-მა და Lunak Heavy Industries-მა განაცხადეს, რომ მათ არ უფიქრიათ თუ 1977 წელს დადებული კონტრაქტის პირობების მიხედვით კუშინგის გამოსახულების გამოსაყენებლად კვლავ ნებართვა იქნებოდა საჭირო, რადგან შესაბამისი ნებართვა მათ უკვე ჰქონდათ.

ამ საკითხთან დაკავშირებით სასამართლო დავა ჯერ კიდევ მიმდინარეობს.