აუქციონის სახლის, Hansons Auctioneers-ის განცხადებით, ლონდონის ერთ-ერთ ავტოფარეხში აღმოჩენილი სალვადორ დალის ათი ლითოგრაფიული ნამუშევარი აუქციონზე გაიყიდება.

ლითოგრაფიები ფრანგი მხატვრისა და გრავიურის, თეო ტობიასეს ხუთ სხვა ლითოგრაფიასთან ერთად, ლონდონის ერთ-ერთ უბანში, ავტოფარეხში იპოვეს.

"ეს იყო საოცარი აღმოჩენა, ერთ-ერთი კლიენტის სახლში ანტიკვარული ნივთის შესაფასებლად მიმიწვიეს. ვიზიტის დროს მან თავის ავტოფარეხში წამიყვანა და იქ აღმოჩნდა სიურრეალისტური ლითოგრაფიების ეს საგანძური, ეს ნამუშევრები დაახლოებით 50 წლის განმავლობაში დავიწყებული იყო, მოკლედ, რომ ვთქვათ, ნამდვილად სიურრეალისტურად გრძნობდა თავს. თუმცა არასდროს იცი რას აღმოაჩენ სახლში, რომელსაც ჩვეულებრივ, რუტინული მიზეზით სტუმრობ" — განაცხადა Hansons Richmond-ის დირექტორმა.

ფოტო: Art News

მყიდველმა ლითოგრაფიები 500 ფუნტ სტერლინგად, ანუ დაახლოებით 650 დოლარად იყიდა 1970-იან წლებში ლონდონის გალერიის დახურვის დროს. ის ამ ნამუშევრების ჩარჩოში ჩასმას გეგმავდა, მაგრამ ასე არ მოიქცა და საბოლოოს დაივიწყა, თუმცა ამ დროისთვის კაცი პენსიაზე გასვლას და საზღვარგარეთ გადასვლას გეგმავს, შესაბამისად, აუქციონზე გატანის შემდეგ ლითოგრაფიები საბოლოოდ დღის სინათლეს იხილავს.