სპორტულმა ბრენდმა Nike-მა ახალი შორტ-ფილმი გამოაქვეყნა, რომელშიც მთავარ როლს კრისტიანო რონალდო ასრულებს.

ერთ-ერთი თამაშის დროს, რონალდო ტრიბუნაზე გადავარდება და თინეიჯერ ბიჭუნას შეეჯახება, რის შედეგადაც ფეხბურთელის ცნობიერება უცნობი ბიჭის სხეულში გადავა და - პირიქით.

კრისტიანო ახალ სხეულშიც ისეთივე კარგი ფეხბურთელია, როგორც საკუთარში, ამიტომ ის ადვილად აღწევს წარმატებას და ინგლისის ნაკრების შემადგნელობაშიც გამოდის.

მეორეს მხრივ, ბიჭუნა, რომელიც სუპერ-ვარსკვლავის სხეულში ცხოვრობს გამოუცდელი ფეხბურთელია. თუმცა, ვარჯიშისა და შრომის შედეგად ის ისეთივე დონეზე იწყებს თამაშს, როგორც სხეულის ნამდვილი პატრონი.

ფილმის ბოლოს, სტადიონზე როლები ისევ იცვლება და ყველა თავის სხეულში ბრუნდება.

Nike-ის ფილმის მთავარი მესიჯია, რომ საუკეთესოდ ქცევა იმ ადამიანებს შეუძლიათ, ვინც ბევრს შრომობენ.