არსებობენ ადამიანები, ვისთვისაც ავტომობილი უბრალოდ გადაადგილების საშუალება კი არა, ემოცია და ცხოვრების სტილია. მათთვის ავტომობილზე ზრუნვა სასიამოვნო პროცესია და ხელოვნებად აქვთ ქცეული. ასეთი განსაკუთრებული მეგობრობა აკავშირებს ლევან ზენაიშვილს საკუთარ Toyota Corolla-სთან. ეს ისტორია 1992 წელს დაიწყო, როცა მამამ ავტომობილი აჩუქა.

სწორედ ავტომობილის მოვლის ხელოვნებას შეეხება თეგეტა მოტორსის ზაფხულის კამპანია. ვიდეოსერიით კომპანიას სურს, მომხმარებლამდე მიიტანოს ემოცია, რომელიც ავტომობილის მოვლას უკავშირდება — ის მხოლოდ ხარჯების გაღებასა და დისკომფორტთან კი არა, სიამოვნებასთანაც ასოცირდება.