მოკლედ: აქტივისტის, ბექა პაპაშვილის თქმით, მას შემდეგ, რაც ერთ-ერთ სუპერმარკეტში, რუსულ კანონზე ხელმომწერ დეპუტატს, ბექა ოდიშარიას "მონა" და "რუსი" უწოდა, მას 3 პირი დაესხა თავს და ფიზიკურად დაუპირისპირდა.

დეტალები: "მას [ბექა ოდიშარიას] დავუძახე თავისი სახელი, რომ ის არის რუსი მონა. გამოვედი გარეთ, რა დროსაც თავს დამესხნენ. ჯერ ორნი იყვნენ და შემდეგ მესამე ადამიანიც დაემატა. დამაგდეს და ძირს დაგდებულს წიხლებით მირტყამდნენ. ერთმა ამაყად დააფიქსირა, რომ ბექა ოდიშარიას შვილი ვარო", — უთხრა პაპაშვილმა ტელეკომპანია პირველს.

ბოლო ხაზი: დღეს, 14 ივნისს, მომხდარს ბექა ოდიშარიც გამოეხმაურა: "შემეფეთა დომენიკო მანგოს უხარიხო პატენტი, დახლებს შორის ახლად თავმოკვეთილი ქათმის ინსტინქტებით მორბენალი".

  • ოდიშარიას თქმით, ის რუსულ კანონზე ხელმომწერი დეპუტატი არ არის, რადგან "ბუნებაში არანაირი რუსული კანონი არ არსებობს — არსებობს ქართული კანონი".