სერიალ სამეფო კარის თამაშების ვარსკვლავი ემილია კლარკი გამოტყდა, რომ ჯულია რობერტსის დიდი თაყვანისმცემელია.

ერთ-ერთ ინტერვიუში, მსახიობმა ჯულიასა და სიუზან სარანდონის ფილმი დედინაცვალი გაიხსენა და აღნიშნა, რომ ვერავინ ტირის ისე, როგორც რობერტსი.

"ჰოლივუდში ყველას უყვარს ის [ჯულია რობერტსი], გამონაკლისი არც მე ვარ. პრინციპში, შეუძლებელია არ გიყვარდეს, ის ხომ კარგ მსახიობთან ერთად ასეთი სექსუალური, ლამაზი და მიმზიდველია. არავის აქვს ისეთი ღიმილი როგორც მას და ვერავინ ტირის ისე, როგორც ჯულია. იმედი მაქვს ოდესმე შევხვდები კიდეც, მაგრამ ალბათ ისე დავიბნევი ვერაფერს ვეტყვი", ამბობს ემილია კლარკი.

ჯულია რობერტსის მიმართ საკუთარი სიყვარული არაერთხელ უღიარებია ჰარი პოტერის ვარსკვლავ ემა უოტსონს. ჯერ კიდევ წლების წინ, ჰერმიონას როლის შემსრულებელმა აღიარა, რომ მსახიობობა სწორედ რობერტსისადმი დიდმა სიყვარულმა უბიძგა.

2014 წელს, ოსკარზე ყოფნის დროს კი თქვა, რომ ჯულია რობერტს შეხვდა და ამით ყველაზე ბედნიერია.