ორი ოქროს პალმის რტოს მფლობელი, სერბი რეჟისორი ემირ კუსტურიცა, ახალი ფილმის გადასაღებად ჩინეთში გადავიდა, სადაც რუს მწერალ თეოდორ დოსტოევსკიზე ფილმს გადაიღებს.

როგორც რეჟისორი ამბობს, ჩინურ საპროდიუსერო კომპანიებთან მოლაპარაკებები უკვე დასრულებულია და როგორც კი სცენარს საბოლოო სახეს მისცემს, გადაღებებიც დაიწყება.

"ფილმის მთავარი იდეა მდგომარეობს იმაში, რომ ვაჩვენოთ თუ რა გავლენა იქონია დოსტოევსკის შემოქმედებამ ჩინურ საზოგადოებაზე და რამდენად ახლოს არის ავტორის იდეები ჩვენს თანამედროვეობასთან", ამბობს კუსტურიცა.

რეჟისორი ამბობს, რომ ფილმს დოსტოევსკიზე იღებს, თუმცა მოვლენები თანამედროვე ჩინეთში ვითარდება, მთავარი პერსონაჟი ქალია, რომელსაც ჯანმრთელობასთან დაკავშირებული პრობლემები აქვს და მკურნალობა საფრანგეთში სჭირდება.