იცოდით, რომ რძისგან არამხოლოდ საკვები პროდუქტების, არამედ წებოსა და პლასტმასის დამზადებაცაა შესაძლებელი? მეტიც, ამის გაკეთება სახლის პირობებშიც მარტივად შეგიძლიათ. თუ როგორ, ამას პროექტის "STEM მარტივად" ფარგლებში მომზადებულ ახალ ვიდეოში გაიგებთ.

ნინო ბერიშვილი, ბიოლოგიის მასწავლებელი, დეტალურად აგიხსნით, როგორ მიიღოთ რძისგან წებო და პლასტმასა, რომლისგანაც სხვადასხვა ნივთის შექმნაა შესაძლებელი, იქნება ეს ღილი თუ მძივის ბურთულები. იგი თვალსაჩინოებისთვის ცდას ჩაატარებს და ამ დროს მიმდინარე პროცესებს ზედმიწევნით აღწერს.