ახლახან Marvel-მა გაავრცელა ინფორმაცია, თუ ვის ვიხილავთ Fantastic Four-ის მთავარ როლებში. Marvel-ის ახალი ფილმში სუპერგმირების როლებს პედრო პასკალი, ვანესა კირბი, ებონ მოს-ბაქრაქი და ჯოზეფ ქვინი მოირგებენ, Fantastic Four-ის პრემიერა კი 2025 წლის ზაფხულში შედგება.

პედრო პასკალი რიდ რიჩარდსის, იგივე მისტერ ფანტასტიკის, პერსონაჟს განასახიერებს. სიუ სტორმის, იგივე უჩინარი ქალის, როლში ვანესა კირბის ვიხილავთ. სიუს უმცროსი ძმის, ჯონი სტორმის, როლს ჯოზეფ ქვინი შეასრულებს, ხოლო ბენ გრიმს ებონ მოს-ბაქრაქი განასახიერებს. Fantastic Four-ში მონაწილე მსახიობების შესახებ Marvel-მა ვალენტინობის დღეს სოციალურ ქსელში პოსტი გამოაქვეყნა.

ჯერჯერობით Marvel-ის ახალი Fantastic Four-ის სიუჟეტის დეტალები უცნობია, თუმცა კომიქსის მიხედვით, ოთხეულის თითოეული წევრი სუპერძალებს ფლობს. თუ Marvel-ის მიერ გავრცელებული ფოტოთი ვიმსჯელებთ, კომიქსის მსგავსად, პერსონაჟები კოსმონავტები არიან. კომიქსის სიუჟეტის მიხედვით კი, ოთხეულის თითოეული წევრი სუპერძალებს კოსმოსში დასხივების შედეგად მიიღებს. Fantastic Four-ის შესახებ დამატებითი ინფორმაცია ეტაპობრივად გახდება ცნობილი.

Fantastic Four-ის მსოფლიო პრემიერა 2025 წლის 25 ივნისს შედგება.

თუ ფილმები შენი ცხოვრების განუყოფელი ნაწილია და მათი განხილვაც გიყვარს, შემოგვიერთდი ჯგუფში ერთი ფილმიც და...