როგორ ფიქრობთ, რა წარმოქმნის იმ შიშინს, რომელიც ყურზე ნიჟარის მიდებისას გვესმის? ეს ხმა ტალღებისაა, ჩვენი სისხლის მიმოქცევის თუ სრულიად სხვა რამის? ამ კითხვებზე პასუხს ქეთი ტატიშვილი, ბაქსვუდის სკოლაში მომუშავე ფიზიკის მასწავლებელი, გაგვცემს.

პროექტის "STEM მარტივად" ფარგლებში მომზადებულ ახალ ვიდეოში ის აგვიხსნის, რა არის ბგერები, როგორ ვრცელდება და რა მახასიათებლები აქვს. ასევე, გვაჩვენებს საინტერესო ექსპერიმენტებს, რომლებიც ბგერების ფიზიკას ნათელს მოჰფენს, ბოლოს კი იმასაც გაიგებთ, თუ რისი ხმა გვესმის ნიჟარიდან.