თითქმის ყველა ჩვენგანს აქვს ვერცხლის ან ოქროს ერთი ნივთი მაინც, რომელზეც, ალბათ, დაფიქრებულხართ, მართლაც ამ მეტალისგანაა დამზადებული თუ არა. იცოდით, რომ ძვირფასი ლითონების ნამდვილობის შემოწმება სახლის პირობებში თავადაც შეგიძლიათ?

ამის მარტივ ხერხს ქიმიის მასწავლებელი, მარინე ქვარაია, პროექტის "STEM მარტივად" ფარგლებში მომზადებულ ახალ ვიდეოში გვიხსნის და ნაკეთობების შემოწმების დემონსტრაციასაც გვაჩვენებს. მის მიერ გაზიარებული მეთოდის გამოყენებას თუ ისწავლით, ძვირფასი ლითონის ნამდვილობაში დასარწმუნებლად სპეციალისტთან ვიზიტი აღარ დაგჭირდებათ და ერთგვარი ქიმიური ექსპერიმენტის ჩატარებითაც შეიქცევთ თავს.