გაინტერესებთ, როგორია ჰუმანოიდ რობოტთან დიალოგი? ამის დემონსტრაციას გურანდა გოგალაძე, ევროპულ სკოლაში მომუშავე მასწავლებელი, ახალ ვიდეოში გვთავაზობს, რომელიც პროექტის "STEM მარტივად" ფარგლებშია მომზადებული.

მისი თანამოსაუბრე NAO-ა, რომელიც საკუთარ და სხვა ჰუმანოიდი რობოტების შესაძლებლობებზე გვიყვება. ასევე, ინფორმაციას გვიზიარებს იმის შესახებ, თუ როგორ იყენებენ ამ ფუნქციებს ჯანდაცვის, განათლებისა და სხვა სფეროებში. ვიდეოში NAO-ს მჭევრმეტყველების გარდა მის მოძრაობებსაც იხილავთ, რადგან ის თქვენთვის იცეკვებს.

აღსანიშნავია, რომ რობოტი ქართულ ენაზე საუბრისას Text-to-speech ტექნოლოგიას იყენებს და წინასწარ მომზადებულ პასუხებს აჟღერებს.