თუ გასულ კვირას საკმარისი დრო არ გქონდა, რომ ახალი ამბისთვის თვალი გედევნებინა, ჯერ კიდევ არ არის გვიანი ყველა სიახლეს დაეწიო. სწორედ ამისთვის, სტატიაში გასული კვირის 10 ყველაზე მნიშვნელოვან ამბავს გთავაზობთ:

1. საბავშვო ევროვიზია ისევ საფრანგეთმა მოიგო

2023 წლის საბავშვო ევროვიზიის სიმღერის კონკურსი მასპინძელი საფრანგეთის გამარჯვებით დასრულდა. რაც შეეხება საქართველოს, ჩვენი ქვეყნის წარმომადგენელმა ანასტასია ვასაძემ, ნიკოლოზ ხარატმა და ოთო ბაზერაშვილმა 74 ქულით მე-14 ადგილი დაიკავეს.

უფრო ვრცლად წაიკითხე აქ.

2. ბალენსიაგამ 2024 წლის შემოდგომის კოლექცია წარადგინა

2 დეკემბერს ლოს-ანჯელესში გამართულ ჩვენებაზე ბალენსიაგამ 2024 წლის შემოდგომის კოლექცია წარადგინა. ბალენსიაგას ჩვენება ღია ცის ქვეშ გაიმართა, სადაც სხვა მოდელებთან ერთად, ახალი კოლექცია Cardi B-მაც წარადგინა.

უფრო ვრცლად წაიკითხე აქ.

3. მაკოლეი კალკინს ჰოლივუდის დიდების ხეივანში ვარსკვლავი გაუხსნეს

საახალწლო ფილმში მარტო სახლში კევინის როლის შემსრულებელ მსახიობ მაკოლეი კალკინს ჰოლივუდის დიდების ხეივანში ვარსკვლავი გაუხსნეს, რასაც ფილმში მისი დედის როლის შემსრულებელი, კეტრინ ო'ჰარაც დაესწრო და სიტყვითაც გამოვიდა.

უფრო ვრცლად წაიკითხე აქ

4. House of the Dragon-ის მე-2 სეზონის ტრეილერი გამოვიდა

HBO-მ House of the Dragon-ის მე-2 სეზონის ტრეილერი გამოუშვა, რომელიც დაუნდობელი ბრძოლისთვის გვამზადებს. როგორც ტრეილერიდან ჩანს, House of the Dragon-ის მე-2 სეზონს არც ინტრიგები და არც ბრძოლა არ აკლია და სამეფო კარის თამაშების გულშემატკივრები რკინის ტახტის მოსაპოვებლად კიდევ ერთ დიდ ბრძოლას იხილავენ.

უფრო ვრცლად წაიკითხე აქ.

5. 70 წლის უგანდელმა ქალმა ტყუპები გააჩინა

70 წლის საფინა ნამუკვაიას ტყუპი გოგო და ბიჭი შეეძინა. უგანდის საავადმყოფოს განცხადებით, საფინა ქვეყანაში ყველაზე ხანდაზმული ქალია, რომელმაც ყოველგვარი გართულების გარეშე იმშობიარა. "ჩვენ შეუძლებელი შევძელით! 70 წლის აფრიკის უხუცეს დედას ტყუპების გაჩენაში დავეხმარეთ. დედა და ბავშვები თავს კარგად გრძნობენ", — ნათქვამია საავადმყოფოს განცხადებაში.

უფრო ვრცლად წაიკითხე აქ.

6. ნეპალში ქვიარ წყვილის ქორწინება პირველად დარეგისტრირდა

ნეპალის ხელისუფლებამ 35 წლის მაია გურუგისა და 27 წლის სურენდა პანდეის ქორწინება ოფიციალურად დაარეგისტრირა. ეს პირველი შემთხვევაა, როცა ნეპალში ქვიარ წყვილის ქორწინება დარეგისტრირდა, რაც აქტივისტებმა ქვეყანაში LGBTQ თემის უფლებების გამარჯვებად შეაფასეს.

უფრო ვრცლად წაიკითხე აქ.

7. სპილო, რომელიც 33 წელი ფილიპინების ზოოპარკში მარტო ცხოვრობდა, ტყვეობაში მოკვდა

სპილო, სახელად მალი, რომელსაც მსოფლიოს ყველაზე სევდიანი სპილოც შეარქვეს, მანილას ზოოპარკში ცოტა ხნის წინ მოკვდა. მალი 33 წლის განმავლობაში ფილიპინების ზოოპარკში მცხოვრები ერთადერთი სპილო იყო. ცხოველთა უფლებების დამცველი ორგანიზაციის, PETA-ის ცნობით, მალი წლების განმავლობაში იზოლირებული იყო, რის გამოც ცხოველი მარტოობასა და მოწყენილობას განიცდიდა.

უფრო ვრცლად წაიკითხე აქ.

8. ტეილორ სვიფტი Spotify-ის წლის ტოპ არტისტი გახდა

Spotify-ის მონაცემებით, წლის ყველაზე პოპულარული შემსრულებელი ტეილორ სვიფტია. მომღერალმა Bad Bunny-ის გადაასწრო, რომელიც ბოლო სამი წლის განმავლობაში პირველ ადგილს იკავებდა.

უფრო ვრცლად წაიკითხე აქ.

9. მაილი საირუსის Flowers Spotify-ის წლის ყველაზე პოპულარული სიმღერა გახდა

მუსიკის სტრიმინგის ერთ-ერთმა უდიდესმა პლატფორმა Spotify-მ 2023 წლის შეჯამება გამოაქვეყნა. მონაცემების მიხედვით, მაილი საირუსის Flowers Spotify-ის წლის ყველაზე პოპულარული სიმღერაა.

უფრო ვრცლად წაიკითხე აქ.

10. დაბოლოს, BTS-ის შესახებ ახალი დოკუმენტური სერიალის ტრეილერი გამოვიდა

BTS-ის ფანები სამხრეთკორეული ჯგუფის შესახებ დოკუმენტურ სერიალს მალე იხილავენ. სერიალი სახელად, BTS Monuments: Beyond the Star, იმ გზის შესახებ გვიამბობს, რომელიც ჯგუფმა მსოფლიო აღიარებამდე გაიარა. Disney+მა სერიალის პირველი ტრეილერი უკვე გამოუშვა.

უფრო ვრცლად წაიკითხე აქ.