Paramount-მა (PARA) მიმდინარე წლის მესამე კვარტლის ფინანსური მაჩვენებლები გამოაქვეყნა, რასაც მისი აქციების ფასის ზრდა მოჰყვა. როგორც ცნობილია, ეს კომპანია ისეთ ბრენდებს აერთიანებს, როგორებიცაა: CBS, Showtime, BET, Nickelodeon-სა და საკუთარივე სახელობის ფილმების სტუდიას.

ანგარიშის მიხედვით, კომპანიამ მესამე კვარტალში შემოსავლების 38%-იანი ზრდის შესახებ განაცხადა და თქვა, რომ ამავე პერიოდში მის გამომწერების რიცხვი 63 მილიონიდან 65,7 მილიონამდე გაიზარდა. გარდა ამისა, როგორც ირკვევა, Paramout-მა სტრიმინგ სეგმენტში ზარალი $343 მილიონიდან $238 მილიონამდე შეამცირა.

აი, როგორ მუშაობდა კომპანიამ მესამე კვარტალში:

• მოგება აქციაზე — 30 ცენტი, ნაცვლად მოსალოდნელი 10 ცენტისა;
• შემოსავალი — 7,13 მილიარდი დოლარი, ნაცვლად მოსალოდნელი 7,099 მილიარდისა.

"ჩვენ ვაგრძელებთ საკუთარი სტრატეგიისკენ სვლას და პრიორიტეტს ვანიჭებთ სტრიმინგში გონივრულ ინვესტირებას, რათა ჩვენი ტრადიციული ბიზნესისგან მაქსიმალური შემოსავალი მივიღოთ. თუ წინ გავიხედებით, დავინახავთ, რომ 2024 წელს კომპანიის შემოსავლების მნიშვნელოვანი ზრდის გზაზე დავრჩებით", — თქვა კომპანიის აღმასრულებელმა დირექტორმა ბობ ბაკიშმა.

ამის პარალელურად, კომპანიაში ამბობენ, რომ სატელევიზიო რეკლამის ბაზარი მათთვის გამოწვევას წარმოადგენს, რადგან ამ სექტორიდან მიღებული შემოსავალი წლიურად 14%-ით არის შემცირებული. Paramount-ში აღნიშნავენ, რომ გლობალური სარეკლამო ბაზარი შემცირებულია და სექტორში დაბალია პოლიტიკური რეკლამის წილიც.

"მიუხედავად იმისა, რომ საკუთარი სტრატეგიის შესრულებისკენ ვისწრაფვით, ახლა საუკეთესო დროდ მივიჩნევთ იმისთვის, რომ შევინარჩუნოთ მოქნილობა და ვადაპტირდეთ ინდუსტრიის ევოლუციის კვალდაკვალ", — თქვა ბაკიშმა.

აქვე უნდა ითქვას, რომ წლის დასაწყისთან შედარებით, Paramount-ის აქციების ფასი 22,3%-ით არის შემცირებული. ამჟამად კომპანიის ერთი აქცია 13,13 დოლარად ივაჭრება. აღსანიშნავია, რომ ბოლო ორ კვირაში Paramount-ის ერთი აქციის ღირებულება 21,7%-ით არის გაზრდილი.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.

აქვე გეტყვით იმასაც, რომ მობილბანკში 31 დეკემბრამდე აქციაა — საინვესტიციო ანგარიშის გახსნა და ვაჭრობა შესაძლებელია საკომისიოს გარეშე, უფასოდ.

ეს არ არის ფინანსური რჩევა. ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.