ოქტომბრის ბოლო კვირაში Amazon-ის (AMZN) აქციების ფასი გაიზარდა. კომპანიის მესამე კვარტლის შედეგების გამოქვეყნების შემდეგ მისი ფასიანი ქაღალდები 8%-ით გაძვირდა. Amazon-ის აქციების ფასის გაზრდამ Nazdaq-ის ინდექსის ცვლილებაში პოზიტიური როლი შეასრულა.

როგორც ცნობილია, ონლაინ კომერციის გიგანტმა ანალიტიკოსების მოლოდინებს გადააჭარბა და ბოლო კვარტალში 143,1 მილიარდი დოლარის შემოსავალი მიიღო, რაც გასული წლის ანალოგიურ პერიოდთან შედარებით 13%-ით მეტია. კომპანიის წმინდა შემოსავალმა 9,9 მილიარდს მიღწია — 94 ცენტს ერთ აქციაზე — რაც გასული წლის იმავე კვარტლის მონაცემს სამჯერ აღემატება.

ანალიტიკოსები ამბობენ, რომ კომპანიის ეგრეთ წოდებულმა ღრუბლოვანმა პლატფორმამ (AWS) რთული სამომხმარებლო გარემო გადალახა და მესამე კვარტალში 23,1 მილიარდიანი შემოსავლის შესახებ გვამცნო. აღსანიშნავია, რომ ეს მაჩვენებელი წლიურად 12%-ით არის გაზრდილი.

Amazon-ის AWS-ის შემოსავლების ზრდას თან ახლდა კომპანიის მენეჯმენტის ოპტიმისტური განცხადებები მისი პერსპექტივის შესახებ გენერაციულ ხელოვნურ ინტელექტთან მიმართებაში.

"AWS-ის გუნდი აგრძელებს სწრაფ ინოვაციებს გენერაციულ ხელოვნურ ინტელექტთან დაკავშირებით" — თქვა კომპანიის აღმასრულებელმა დირექტორმა ენდი ჯასიმ.

მიმდინარე წლის დასაწყისთან შედარებით, Amazon-ის ერთი აქციის ღირებულება 70,83%-ით არის გაზრდილი. ამჟამად კომპანიის ერთი აქცია 143,15 დოლარად ივაჭრება. მისი საბაზრო კაპიტალიზაცია 1,48 ტრილიონ დოლარს აჭარბებს.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.

აქვე გეტყვით იმასაც, რომ მობილბანკში 31 დეკემბრამდე აქციაა — საინვესტიციო ანგარიშის გახსნა და ვაჭრობა შესაძლებელია საკომისიოს გარეშე, უფასოდ.

ეს არ არის ფინანსური რჩევა. ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.