კორტნი კარდაშიანსა და ტრევის ბარკერს შვილი შეეძინათ. მართალია, ჯერჯერობით ბავშვის დაბადების ზუსტი თარიღი და მისი სახელი არ ვიცით, მაგრამ ის ცნობილია, რომ წყვილი ბიჭს ელოდებოდა.

მომღერალი ბარკერი მის სავარაუდო სახელზეც საუბრობდა. ტრევისმა ერთ-ერთ ინტერვიუში თქვა, რომ აპირებენ ბავშვს როკი დაარქვან. ეს კორტნისა და ტრევისის პირველი საერთო შვილია. კარდაშიანმა ორსულობის შესახებ ქმარსა და საზოგადოებას ტრევისის მუსიკალური ჯგუფის, Blink-182-ის, კონცერტზე აცნობა.

კორტნიმ სექტემბერში სოციალურ ქსელში პოსტი გაავრცელა, რომელშიც დაწერა, რომ ნაყოფის შესანარჩუნებლად გადაუდებელი ოპერაცია დასჭირდა. კარდაშიანმა საავადმყოფოს საწოლიდან ქმართან ხელჩაკიდებული ფოტო დადო და ექიმებს, დედას და ქმარს მადლობა გადაუხადა. ბარკერმა ტური დროებით შეაჩერა და სახლში დაბრუნდა, რათა რთულ დროს ცოლის გვერდით ყოფილიყო.

იხილეთ ასევე: