ცოტა ხნის წინ ცნობილი გახდა, რომ პოპულარული სამხრეთკორეული სერიალის, Squid Game-ის, მიხედვით ნეტფლიქსი რეალითი შოუს ჩვენებას იწყებდა. სერიალის მსგავსად, რეალითი შოუშიც 456 მონაწილე ერთმანეთს $4,56 მილიონის სანაცვლოდ დაუპირისპირდება, ახლახან კი ნეტფლიქსმა მეორე ტრეილერიც გამოუშვა.

მართალია, რეალითი შოუში საფრთხე არავის სიცოცხლეს ემუქრება, თუმცა მაყურებელი Squid Game-თან მაქსიმალურად მიახლოებულ გარემოსა და თამაშებს იხილავს. როგორც ტრეილერში ჩანს, მონაწილეებს Squid Game-ის პერსონაჟების მსგავსად აცვიათ და იგივე თამაშებში ჩაერთვებიან, რომლებიც სერიალში უკვე ვნახეთ. რაც მთავარია, რეალითი შოუში ყველასათვის ცნობილ და საშიშ რობოტ თოჯინასაც ვიხილავთ.

"ეს თამაში სტრატეგიულად უნდა ითამაშო", "აქ არავის ნდობა შეგიძლია", — ამბობენ კონკურსანტები ტრეილერში. როგორც ჩანს, თამაშების გარდა რეალითი შოუს კონკურსანტებს შორის ინტრიგებსაც სულ მალე ვიხილავთ.

შეგახსენებთ, რომ Squid Game-მა 2021 წლის შემოდგომაზე, გამოსვლიდან 25 დღეში, რეკორდი დაამყარა და 111 მილიონი ნახვით ნეტფლიქსის ყველაზე პოპულარული სერიალი გახდა. მართალია, ეს სტატუსი მალევე ჩამოართვა სხვა სამხრეთკორეულმა სერიალმა (Hellbound), მაგრამ Squid Game პოპულარობას დღემდე ინარჩუნებს.

Squid Game-ის რეალითი შოუს პრემიერა 22 ნოემბერს შედგება.

ასევე იხილეთ:

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…