ნახეთ აქამდე უცნობი ფოტოები "ტიტანიკის" გადასაღები მოედნიდან

ჯეიმს კამერონის ტიტანიკის გამოსვლიდან მეოთხედ საუკუნეზე მეტი გავიდა, მაგრამ როუზისა და ჯეკის ისტორია მაყურებელს ისევე აღელვებს, როგორც 1997 წელს. ტიტანიკის რეალურ ტრაგედიაზე დაფუძნებულმა ფილმმა, რომელშიც მთავარ როლებს ქეით უინსლეტი და ლეონარდო დიკაპრიო ასრულებენ, თავის დროზე კინოინდუსტრიაში ნამდვილი ფურორი მოახდინა. მას დღემდე მას $2,2 მილიარდზე მეტი აქვს გამომუშავებული და კომერციულად ყველა დროის ერთ-ერთ ყველაზე წარმატებულ ფილმად რჩება. ამასთან, ოსკარის რიგით 70-ე დაჯილდოებაზე ტიტანიკი 14 ნომინაციაში იყო წარდგენილი, აქედან 11-ში კი გაიმარჯვა კიდეც. ამ რიცხვით ის სამ რეკორდსმენ ფილმს შორისაც ხვდება.

ასეთი წარმატების მიუხედავად, თურმე ათწლეულების განმავლობაში უცნობი იყო რამდენიმე კადრს მიღმა ფოტოსურათი, რომელიც გუნდის ერთ-ერთ წევრს 1996 წელს, მექსიკაში გადაუღია. სამოყვარულო ფოტოაპარატით გადაღებულ ამ სურათებში მთავარი როლების შემსრულებელ მსახიობებთან ერთად რეჟისორს და გადამღები ჯგუფის სხვა წევრებსაც ვხედავთ. კადრს მიღმა ფოტოები თავდაპირველად ბრიტანელ კოლექციონერს ეკუთვნოდა, თუმცა, ახლახან აუქციონზე აღმოჩნდა და საზოგადოებისთვისაც ცნობილი გახდა.

დიკაპრიო და უინსლეტი გადაღებებს შორის შესვენებაზე

ფოტო: BNPS / Henry Aldridge & Song / Mega BNPS

იცოდით, რომ გადასაღებ მოედანზე ლეონარდო მხოლოდ 21 წლის იყო?

კადრს მიღმა სურათიც კი მე-20 საუკუნის დასაწყისის ფოტო გეგონება!

კოსტიუმების საუკეთესო დიზაინისთვის ნამდვილად იმსახურებდნენ ოსკარს

ჯერ მარტო რა ქუდებია!

ესეც ბატონი რეჟისორი, რომელმაც ჯერ კიდევ არ იცის, რამდენი მაყურებელი გაუყენებს ჯეკის გზას დასასრულის გამო...

1912 წლის სტილის სამოსი ყველაზე მეტად ლეოს მოუხდა

... და ალბათ ამიტომ არ უხდება ეს სათვალე

ყველაზე მეტი სურათი დიკაპრიოსთვის გადაუღია იმ უცნობ ფოტოგრაფს. ნეტავ რატომ?!

ესეც ფრენსის ფიშერი რუთის როლში

სხვათა შორის, ტიტანიკის ფილმისთვის აგებული ასლი ზომით ნამდვილი ხომალდის 90 პროცენტს შეადგენდა

ასევე იხილეთ:

თუ ფილმები შენი ცხოვრების განუყოფელი ნაწილია და მათი განხილვაც გიყვარს, შემოგვიერთდი ჯგუფში ერთი ფილმიც და...

ბოლო ამბები:

გირჩევთ