საერთაშორისო დაჯილდოება World travel awards წელს საქართველოში პირველად გაიმართა. ღონისძიებაზე ავტოგაქირავების კომპანია Europcar Georgia World Travel Awards-ის საერთაშორისო ჯილდოს მფლობელი გახდა. გამარჯვება ნომინაციაში საქართველოს ლიდერი ავტოგაქირავების კომპანია Europcar Georgia-მ წელს უკვე მეორედ მოიპოვა.

World travel awards მსოფლიო ტურიზმის სექტორში ერთ-ერთი ყველაზე პრესტიჟული დაჯილდოებაა. გამარჯვებულები საერთაშორისო ტურისტების შეფასებით გამოვლინდნენ, რომლებმაც თავიანთი კმაყოფილება მომსახურების მიმართ ხმის მიცემით გამოხატეს.

ფოტო: Tegeta

"საკმაოდ რთულია, მიაღწიო წარმატებასა და საერთაშორისო აღიარებას, თუმცა კიდევ უფრო რთულია ამ ყველაფრის შენარჩუნება და განვითარება. ეს გამარჯვება ჩვენთვის ძალიან დიდი მოტივაციაა, რათა შევინარჩუნოთ ლიდერის სტატუსი ავტოგაქირავების სექტორში და კიდევ უფრო მეტი საინტერესო სიახლე შევთავაზოთ მომხმარებლებს.

მინდა, ძალიან დიდი მადლობა გადავუხადო ყველა იმ საერთაშორისო ვიზიტორს, რომელთა გადაწყვეტილებითაც ჩვენ უკვე მეორედ გავხდით გამარჯვებულები. გვიხარია, რომ ჩვენი სერვისით მოვიპოვეთ მათი ნდობა და მხარდაჭერა“, — ამბობს ნინო პატარაია, Europcar Georgia-ის დირექტორის მოადგილე.

Europcar Georgia თეგეტა ჰოლდინგში შემავალი კომპანიაა, რომელიც იმავე სახელწოდების ბრენდის ექსკლუზიური წარმომადგენელია საქართველოში და აქ 2020 წლიდან ოპერირებს. კომპანია მომხმარებლებს როგორც დღიურ გაქირავებას, ისე საოპერაციო ლიზინგსა და სატრანსპორტო მომსახურებას სთავაზობს. ახლა უკვე საქართველოში პირველად Europcar თავის მომხმარებელს Auto Subscription-ის სერვისსაც სთავაზობს.

დღეს თბილისში, ბათუმსა და ქუთაისში Europcar Georgia-ის 400-ზე მეტ ავტომობილს ვხვდებით. კომპანიის წარმატებას, მრავალფეროვანი ავტოპარკის გარდა, კომფორტული სერვისი და მუდმივ რეჟიმში მომხმარებლის კმაყოფილებაზე ზრუნვა განაპირობებს.

ტურიზმის ოსკარის სახელით ცნობილ ღონისძიებას, World Travel Awards-ს, ბათუმმა უმასპინძლა. ზღვისპირა ქალაქს 24 ქვეყნის ტურიზმის ინდუსტრიის, მედიისა და ტურიზმის სამთავრობო უწყებების 300-მდე წარმომადგენელი ესტუმრა. ღონისძიება 1993 წლიდან სტუმარმასპინძლობის ინდუსტრიის ყველა სექტორში საუკეთესო მიმართულებებისა და კომპანიების გამოვლენისა და დაჯილდოების მიზნით იმართება.