გასული კვირის სამშაბათის ვაჭრობის შედეგად, Tesla-ს (TSLA) აქციების ფასი 4,7%-ით გაიზარდა. ანალიტიკოსები ამ ფაქტს ჩინეთში არსებულ ქარხანაში დამზადებული ელექტრომობილების გაყიდვების ზრდას უკავშირებენ.

უფრო კონკრეტულად, ჩინეთის ტრანსპორტის ასოციაციის მონაცემების მიხედვით, Tesla-მ აგვისტოში ბაზარს ჩინეთში წარმოებული 84,159 ავტომობილი მიაწოდა, რაც გასული წლის იმავე თვესთან შედარებით 9,3%-ით მეტია, ხოლო ივლისის მაჩვენებელს 31%-ით აღემატება. როგორც ცნობილია, ივლისში შანხაის ქარხანა გადაიარაღების გამო დროებით დაიხურა.

გარდა შანხაის ქარხანაში წარმოების ზრდისა, გაყიდვების ზრდაში მთავარი წვლილი ფასების შემცირებამაც შეიტანა. გასულ თვეში Tesla-მ მოთხოვნის გაზრდის მიზნით საკუთარ პროდუქტებზე ფასების შემცირების შესახებ ორჯერ განაცხადა. გარდა ამისა, კომპანიამ სამომავლო ფასდაკლებების შესახებაც დააანონსა.

როგორც ცნობილია, მიმდინარე წლის განმავლობაში კომპანიამ ჩინეთში დაახლოებით 625 000 ელექტრომობილი აწარმოვა. უნდა ითქვას, რომ გასული წლის პირველი შვიდი თვის მონაცემი 400 000-ია. მიმდინარე წელს ჩინეთის ქარხნების წარმოების სიმძლავრე გაზრდილია, რაც, მათ შორის, Covid-19-ის შეზღუდვების შემცირებითაც არის გამოწვეული.

გასულ კვირას Tesla-მ Model 3-ის ახალი ვერსია წარადგინა, რომელსაც ერთჯერადად დამუხტვის შემთხვევაში უფრო დიდი მანძილის დაფარვა შეუძლია, ვიდრე მის წინამორბედს. ამასთან, განახლებული მოდელი შედარებით ძვირია.

კომპანიისთვის მიმდინარე წელი რთულად დაიწყო. თუმცა, თუ არსებულ მონაცემებს შევხედავთ, წლის დასაწყისთან შედარებით, მისი აქციების ღირებულება გაორმაგებულია. ამჟამინდელი ინფორმაციით, Tesla-ს ერთი აქცია 266,50 დოლარად ივაჭრება.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.

აქვე გეტყვით იმასაც, რომ მობილბანკში აქციაა — 31 ოქტომბრამდე საინვესტიციო ანგარიშის გახსნა და ვაჭრობა შესაძლებელია საკომისიოს გარეშე, უფასოდ.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.