ინვესტორები ბაზარზე არსებულ სიტუაციას სხვადასხვა ინდიკატორის საშუალებით აკვირდებიან. მათ შორის, ისინი დაგეგმილ რიცხვებსაც უყურებენ. თუმცა, როდესაც ბაზარზე რყევებია, ყველაზე მეტად სარწმუნო მაჩვენებელს უკვე არსებული შედეგები წარმოადგენენ. სწორედ ამ მონაცემებზე დაყრდნობით ექსპერტები Dow Jones-ის იმ აქციებზე საუბრობენ, რომლებსაც მიმდინარე პერიოდში განსაკუთრებული ყურადღება უნდა დავუთმოთ.

მათი თქმით, ბოლო პერიოდზე დაკვირვებით, ეგრეთ წოდებული ლურჯი ჩიპის აქციების საუკეთესო სამეული ასეთია: Salesforce (CRM), Apple (AAPL) და Microsoft (MSFT). ეს ის კომპანიებია, რომელთა აქციების ფასიც მიმდინარე წლის დასაწყისთან შედარებით ყველაზე მეტად არის გაზრდილი.

Salesforce (CRM)

იმ კომპანიებს შორის, რომლებიც წლის დასაწყისთან შედარებით ყველაზე მეტად გაიზარდნენ, Salesforce მოწინავეა. კომპანიის აქციების ღირებულება 2023 წლის დასაწყისის შემდეგ 62,18%-ით არის გაზრდილი.

ამჟამად მის ერთ აქციას 215,04 დოლარად შეიძენთ. ბოლო 52 კვირის განმავლობაში ამ კომპანიის აქციების ფასის მაქსიმალური ღირებულება 238,22 დოლარი, ხოლო მინიმალური 126,34 დოლარი იყო. კომპანიამ აქციებით ვაჭრობა 2004 წელს დაიწყო, ამჟამად მისი საბაზრო კაპიტალიზაცია 209 მილიარდი დოლარია.

Apple (AAPL)

Apple მსოფლიოს უმსხვილესი კომპანიაა, რომელიც მუდმივად ყურადღების ცენტრშია. კომპანიის საბაზრო კაპიტალიზაცია 2,9 ტრილიონი დოლარია. წლის დასაწყისთან მონაცემებით, მისი ერთი აქციის ღირებულება 44,42%-ით გაიზარდა და ამჟამად ერთი აქცია 187,65 დოლარად ივაჭრება.

ბოლო 52 კვირის განმავლობაში კომპანიის აქციის ღირებულების მაქსიმალური მაჩვენებელი 198,23, ხოლო მინიმალური 124,17 დოლარი იყო. აქვე უნდა ითქვას, რომ ბოლო 4 კვირის განმავლობაში Apple-ის აქციების ფასი 5,55%-ით არის გაზრდილი.

Microsoft (MSFT)

მიუხედავად იმისა, რომ Microsoft უზარმაზარი კომპანიაა, მისი აქციების ღირებულება მაინც თვალშისაცემად არის გაზრდილი. მიმდინარე წლის დასაწყისთან შედარებით, კომპანიის ერთი აქცია 37,1%-ით გაძვირდა და ამჟამად 328,79 დოლარად ივაჭრება.

ბოლო 52 კვირის განმავლობაში Microsoft-ის აქციების ფასის მაქსიმალურმა მაჩვენებელმა 366,78 დოლარს, ხოლო მინიმალურმა 213,43 დოლარს მიაღწია. აღსანიშნავია, რომ ბოლო 4 კვირის განმავლობაში ტექ-გიგანტის აქციების ღირებულება 2,42%-ით არის გაზრილი.

გახსოვდეს, ეკონომიკა ცოცხალი ორგანიზმია და ბაზარზე სიტუაცია სწრაფად შეიძლება შეიცვალოს. როგორც ინვესტორები ამბობენ, ამ საქმეში მართებული გადაწყვეტილებების მისაღებად მუდმივად განახლებადი ინფორმაციის მიღებაა საჭირო.

ასევე იხილეთ:

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.