ნანატრი შვებულების და მოგზაურობის დროც მოვიდა და შენ ისევ ათას რამეზე გედარდება? "პასპორტი ხომ არ მრჩება?", "რომელი მედიკამენტები უნდა წავიღო თან?", "რამე გაუთვალისწინებელი რომ მაინც მოხდეს?" — მოკლედ, ასეთ შფოთიან შეკითხვებს რა დალევს. არადა, მოგზაურობა ხომ იმისთვისაა, რომ ცოტა ხნით ტვინიც "გაანიავო" და ყურადღება სხვა დანარჩენზე გადაიტანო. აი, მაგალითად იმაზე, როგორ გაატარო დაუვიწყარი დრო, დაიმუხტო შთაბეჭდილებებით და შეიქმნა სასიამოვნო მოგონებები.

ამ ყველაფრის მისაღწევად კი, აუცილებელია, ცოტათი რისკიანიც იყო. ასე რომ, ცოტა ხნით ტურისტული საფიქრალი დაივიწყე და მიეცი თავს მეტისუფლება.

როგორ?

1. გასინჯე აქამდე უცნობი კერძი

როცა მოგზაურობისას ეგზოტიკურ კერძს გთავაზობენ, შეიძლება ორჭოფობას მოჰყვე, საერთოდ ღირს თუ არა გასინჯვად. ამ დროს გეფიქრება, გემრიელი თუ იქნებაო. არც ამაზე იდარდო, გარისკე და გასინჯე. თუ უგემური აღმოჩნდა, რა უჭირს, ხომ არავინ დაგაძალებს, თეფში მოასუფთავეო. სხვა თუ არაფერი, მეგობრების წრეში დასაკვეხნად მაინც გექნება, რომ ასეთი უჩვეულო კერძი დაგემოვნებული გაქვს.

2. იპოზიორე თამამად

ფოტოები ხომ მოგონებებს საუკეთესოდ ინახავს, ასე რომ, არ მოგერიდოს პოზიორობა და ნურც ექსპერიმენტებს შეუშინდები. რადგან პიზის კოშკთან ყველა ერთნაირ ფოტოს იღებს, ეს სულაც არ ნიშნავს, რომ რამე ორიგინალურის მოფიქრებას ვერ შეძლებ. არც იმაზე იდარდო, შედეგი როგორი იქნება — მთავარია, გადაღებისას იხალისო და დიდი ამბავი, თუკი საქმე ისე არ წავა, როგორც გეგმავდი! სხვა თუ არაფერი, სახალისოდ მოსაგონარ ამბად მაინც დაგრჩება ეს შემთხვევა.

3. გაინავარდე სკუტერით ქალაქში

როგორც ამბობენ, წლების შემდეგ იმას უფრო ინანებ, რომ რაღაც არ გააკეთე. ამ პრინციპითვე გადადგი შემდეგი ნაბიჯი მოგზაურობისას და დაათვალიერე ქალაქი დამოუკიდებლად, თუნდაც, მაგალითად, სკუტერით. აუცილებელი არაა, დიდი ავტობუსით ტურისტების ჯგუფთან ერთად იმგზავრო და გიდიც თან გახლდეს. გახსოვდეს, რომ მარტო ხეტიალისას უფრო მეტი რამის აღმოჩენას და გამოცდას შეძლებ.

4. ნუ შეგეშინდება მუზეუმების

არა, ღამე მუზეუმში დარჩენას კი არ გთავაზობთ... უბრალოდ, თუკი რომელიმე გადაშენებული ცხოველის რეალური ზომის ნახვა გსურდა და ფეხი უკან გრჩებოდა, ან სულაც სხვა ტურისტების სიმრავლეს უფრთხოდი — ამაზე მართლა არ იდარდო; დიდი ალბათობით, ისინიც შენ მსგავსად შფოთავენ ამაზე. ამასთან, შიშის დაძლევა ხომ მოგზაურობისას სიამოვნების მიღების ერთ-ერთი წინაპირობაცაა.

5. დაუფიქრებლად მიაშურე უცხო ადგილებს

აი, სკუტერით ნავარდობა თუ მოგბეზრდება, შეგიძლია ჩამოქვეითდე და ახლა უკვე ფეხით გაუყვე უცხო ქალაქის ქუჩებს. ალბათ კვლავაც იკითხავ, მოიცა, ასე ავდგე და პირდაპირ გავუყვეო? ჰო, ზუსტად ასე. დაკარგვის არ შეგეშინდეს, შენ ხომ რისკიანობაზე დადე თავი. თან, რაც უნდა იყოს, GPS-ის, ტურისტული რუკის ან კეთილგანწყობილი ადგილობრივების იმედი სულ უნდა გქონდეს.

6. მოიქეცი თავქარიანი კინოგმირივით

დაბოლოს — წარმოიდგინე, რომ რომელიმე თუნდაც რომანტიკული კომედიის მთავარი გმირი ხარ. ცოტათი თავქარიანი, იქნებ თავზე ხელაღებულიც? ყოველ შემთხვევაში, ეცადე, მეტისმეტი საფიქრალი მოიშორო და შესაძლო მოულოდნელობებსაც არ შეუშინდე.

მოკლედ რომ შევაჯამოთ, სანერვიულო არაფერია. ისიც მუდამ გახსოვდეს, რომ თუ მოგზაურობისას რამე გაუთვალისწინებელი შეგემთხვა, ამაზე თიბისი დაზღვევის სამოგზაურო პაკეტი იზრუნებს. ეს პაკეტი, გაუმჯობესებული პირობებით, საშუალებას გაძლევს, თავს მეტისუფლება მისცე, საზრუნავი უკან მოიტოვო და უარი არ თქვა ახალ, საინტერესო გამოცდილებებზე.

სამოგზაურო დაზღვევის სასურველი პაკეტის (სტანდარტული და პრემიუმი) შეძენა მარტივად შეგიძლია — ჩატში, საიტზე ან აპში.