ჩემი ცოლის დაქალები ტელეეკრანებზე 2 დღეში დაბრუნდება, მანამდე კი მე-19 სეზონის პირველი სერიის პრომო უკვე გამოვიდა. როგორც ახალი ვიდეოდან ვიგებთ, ლელა პრეზიდენტს შეწყალებას სთხოვს, გოცირიძეები ახალ ბინაში გადავიდნენ და რაც მაყურებელს ძალიან აინტერესებდა — ბაქარი კომიდან გამოდის.

ჩემი ცოლის დაქალების პროდიუსერმა ირაკლი საღინაძემ ჯერ კიდევ ამ თვის დასაწყისში გაგვიმხილა, რომ მე-19 სეზონში ბაქარ ორჯონიკიძე კომიდან გამოდის და ცდილობს, ამნეზიის შედეგად დავიწყებული ამბები გაიხსენოს. როგორ განვითარდება ამ პერსონაჟის ირგვლივ მოვლენები, ამას ძალიან მალე გავიგებთ.

ახალი სეზონის პრემიერამდე სერიალის გუნდი მაყურებელს ახალი სეზონიდან პატარ-პატარა ვიდეოებს სთავაზობდა. როგორც თიზერებიდან გავიგეთ, შაგუ მადლიანი სოფელშია, გოცირიძეებს ახალი მეზობელი ჰყავთ, ელვირი კი ციხეშია. ჩემი ცოლის დაქალების ამ დროისთვის ბოლო, მე-18 სეზონი გასული წლის ივლისში დასრულდა. მას შემდეგ სერიალის ბედი გაურკვეველი იყო. თუმცა, რამდენიმე კვირის წინ ფორმულას გენერალურმა დირექტორმა ზუკა გუმბარიძემ სერიალის დაბრუნება დააანონსა.

სერიალის ახალი სეზონის პრემიერა 7 ივლისს შედგება. მე-19 სეზონის ახალ სერიებს ყოველ პარასკევსა და შაბათს, საღამოს 10 საათზე ვიხილავთ.

ასევე იხილეთ: