საქართველოს ვიცე-პრემიერი, ალექსანდრე ჯეჯელავა ამბობს, რომ ევროპის საბჭოს ვენეციის კომისიის პრეზიდენტს, ჯანი ბუკიკიოს შეფასება კონსტიტუციის პროექტთან დაკავშირებით მკაცრი თარგმნის პრობლემის გამო ჩანდა.

"თარგმანის პრობლემაა. მოგეხსენებათ, რომ იმედგაცრუება - შეიძლება ძლიერ ზმნად გამოვიყენოთ და შეიძლება სუსტად. მთავარი ისაა, რომ როგორც ბატონი ბუკიკიო, ასევე ვენეციის კომისია, ასევე ჩვენი გუნდი დარწმუნებულია, რომ გადაწყვეტილება უნდა მოინახოს კონსენსუსით ვენეციის კომისიასთან და მათი მოსაზრებები აუცილებლად გასათვალისწინებელია," - ამბობს ჯეჯელავა.

გუშინ, 28 ივნისს ჯანი ბუკიკიომ განაცხადა, რომ იმედგაცრუებული საპარალამენტო არჩევნების სრულად პროპორციული წესით არჩევის 2024 წლამდე გადავადებით. დღეს კი აღნიშნა, რომ კონსტიტუციას, რომელიც ერთი პარტიის მიერაა დამტკიცებული, არ აქვს სრული ლეგიტიმაცია.