ჩემი ცოლის დაქალების ახალი სეზონის პირველი ინტრიგა იხსნება — ბაქარ ორჯონიკიძე კომიდან გამოდის. სპოილერი! სერიალის წინა სეზონი თუ არ გინახავთ, არ გეცოდინებათ, რომ ბოლო ეპიზოდში კვაზიმილიარდერ ბიზნესმენს მესამე ცოლმა ტაფა პირდაპირ თავში უთავაზა. მას შემდეგ მაყურებელს მხოლოდ ერთი რამ აინტერესებდა — რა ბედია ეწია ბაქარს, რომელმაც სიმდიდრისა და დიდების მოსახვეჭად, ფაქტობრივად, ყველაფერი იკადრა.

ჩცდ-ის პროდიუსერმა ირაკლი საღინაძემ ჯერ კიდევ ამ თვის დასაწყისში გაგვიმხილა, რომ მე-19 სეზონში ბაქარ ორჯონიკიძე კომიდან გამოდის და ცდილობს, ამნეზიის შედეგად დავიწყებული ამბები გაიხსენოს. ამჯერად კი, სერიალის ახალი სეზონის მორიგი თიზერი გავრცელდა, სადაც სწორედ ამ სცენას ვხედავთ.

სხვათა შორის, სერიალის ახალ ფეისბუქგვერდზე ბოლო დღეებში აქტიურად ვრცელდება პატარ-პატარა ნაწყვეტები ახალი სეზონიდან. ასე გავიგეთ უკვე, რომ შავლეგო მადლიანი გაურკვეველი მიზეზით სოფელში გადასახლდა, გოცირიძეებმა ბინა გამოიცვალეს, ხოლო ტროლების მეუფე ელვირ სვინტრაძე ციხიდან თავდასაღწევ გზებს ეძებს.

ჩცდ-ის ამ დროისთვის ბოლო, მე-18 სეზონი გასული წლის ივლისში დასრულდა. მას შემდეგ სერიალის ბედი გაურკვეველი იყო. თუმცა, რამდენიმე კვირის წინ ფორმულას გენერალურმა დირექტორმა ზუკა გუმბარიძემ სერიალის დაბრუნება დააანონსა, მალევე კი ჩცდ-ის პროდიუსერისა და შემოქმედებითი გუნდისგან ახალი სეზონის შესახებ მნიშვნელოვანი სიახლეებიც შევიტყვეთ.

ფორმულა კრეატივის შექმნილი ჩცდ მაყურებელმა პირველად 2011 წელს იხილა. ის თავდაპირველად რუსთავი 2-ზე გადიოდა, მოგვიანებით კი, 2019 წელს, სერიალის შემქმნელების დაფუძნებულ ახალ არხზე, ფორმულაზე, გადაინაცვლა.

რაც შეეხება სერიალის მე-19 სეზონს, მისი პრემიერა 7 ივლისს შედგება, ახალ სერიებს კი ყოველ პარასკევსა და შაბათს, საღამოს 10 საათზე ვიხილავთ.

ასევე იხილეთ:

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…