ბოლო წლების ერთ-ერთი ყველაზე გახმაურებული სერიალი მოსიარულე მკვდრები 11-სეზონიანი ისტორიის შემდეგ შარშან დასრულდა. თუმცა, მაყურებლის დიდი ინტერესის გათვალისწინებით, სერიალის შემქმნელებმა რამდენიმე დღის წინ მისი სპინოფი, მოსიარულე მკვდრები: მკვდარი ქალაქი, გამოუშვეს. ამჯერად კი, ტელეარხი AMC მორიგი პრემიერისთვის ემზადება.

მოსიარულე მკვდრები: დერილ დიქსონი The Walking Dead-ის კიდევ ერთი სპინოფია, რომელშიც მოქმედება სერიალის ერთ-ერთი მთავარი გმირის გარშემო ვითარდება. მსახიობ ნორმან რიდუსის პერსონაჟი ამჯერად აპოკალიფსურ საფრანგეთში აღმოჩნდება, თუმცა, უჭირს, გაიხსენოს, რატომ და როგორ ჩავიდა იქ. სერიალში ატმოსფერო კი ზუსტად ისეთივე დაძაბული და შემაძრწუნებელია, როგორც მოსიარულე მკვდრებში. დერილ დიქსონის პირველი თიზერი ცოტა ხნის წინ გავრცელდა.

მოსიარულე მკვდრები: დერილ დიქსონი სერიალ The Walking Dead-ის რიგით მეხუთე სპინოფი და ამავე სახელწოდების ფრენჩაიზის მეექვსე ტელეპროექტია.

მოსიარულე მკვდრები, რომელიც რობერტ კირკმენის კომიქსების სერიას ეფუძნება, აპოკალიფსური ჟანრის დრამაა. მისი პრემიერა AMC-ზე 2010 წლის 31 ოქტომბერს, ჰელოუინის დღეს, შედგა. მას შემდეგ სერიალმა მილიონობით ერთგული მაყურებელი შეიძინა და არაერთი პრესტიჟული ჯილდოს, მათ შორის, ოქროს გლობუსის ნომინანტობასაც კი გამოჰკრა ხელი.

რაც შეეხება ახალ სპინოფს დერილ დიქსონზე, ამ სერიალს მაყურებელი შემოდგომაზე იხილავს. შოუს პირველი სეზონი 6 ეპიზოდს გააერთიანებს.

ასევე იხილეთ:

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…