რა მოხდა: 8 ივნისს ცნობილი გახდა, რომ რუსეთის მოქალაქე ზვიგენმა შეჭამა.

  • საერთაშორისო მედიის ინფორმაციით, შემთხვევა ეგვიპტის აღმოსავლეთ სანაპიროზე, ტურისტულ ქალაქ ჰურგადაში მოხდა — მაშველებმა კაცის გადარჩენა ვერ შეძლეს.
  • ეგვიპტის გარემოს დაცვის სამინისტროს განცხადებით, ზვიგენი დაიჭირეს, სანაპიროზე კი ცურვა აიკრძალა.
  • ასევე, მინისტრმა ადგილობრივ ხელისუფლებას დაავალა, მიიღონ ზომები "ზვიგენის თავდასხმის ინციდენტის ხელახლა განმეორების თავიდან ასაცილებლად".
  • რუსული საინფორმაციო სააგენტო ტასის ცნობით, მოკლული 1999 წელს დაბადებული კაცია, რომელიც ეგვიპტეში ცხოვრობდა და ტურისტი არ ყოფილა.

დეტალები: საერთაშორისო მედია, ეგვიპტურ გამოცემა Al Arabiya-ზე დაყრდნობით, იტყობინება, რომ საზღვაო მეცნიერებათა ინსტიტუტის სპეციალისტებმა ზვიგენის ბალზამირების პროცესი ორშაბათს დაიწყეს და ცხოველს მალე მუზეუმში გამოფენენ.

  • მათივე ცნობით, სპეციალისტებმა გაკვეთის შემდეგ ზვიგენის სხეულიდან ადამიანის ნაწილები ამოიღეს.