ინვესტირება ყველას აინტერესებს. ზოგი კი იმდენად შეყვარებულია ამ პროცესზე, რომ არა მხოლოდ სამეცნიერო ლიტერატურას, არამედ — მხატვრულსაც კი ქმნის. დამწყები ინვესტორები ამ წიგნებით არა მხოლოდ ინვესტირების პრინციპებს ეცნობიან, ფინანსური დამოუკიდებლობის არსსაც ითვისებენ. სწორედ ამიტომ, ამ სტატიაში შემოგთავაზებთ 5 ყველაზე საინტერესო წიგნს ინვესტირების შესახებ.

1. The Richest Man in Babylon

მიუხედავად იმისა, რომ წიგნი The Richest Man in Babylon თითქმის 100 წლის წინ გამოიცა, ის კვლავაც ახერხებს დამწყები ინვესტორების დაინტერესებას და პროფესიონალების აღტაცებას.

წიგნში აღწერილია ფინანსური თავისუფლების პრინციპები და ის საკითხები, რომლებიც 1926 წლისთვის ინვესტირების დროს მნიშვნელოვანი იყო. თითქმის 100 წლის შემდეგ, წიგნში აღწერილი პრინციპები და საკითხები კვლავ აქტუალურია.

2. Rich Dad Poor Dad

რა თქმა უნდა, გვერდს ვერ ავუვლიდით ყველა ინვესტორის თუ უბრალოდ ფინანსური დამოუკიდებლობის მოსურნე ადამიანის სამაგიდო წიგნს — Rich Dad Poor Dad. ბესტსელერი წიგნის ავტორი გადაწყვეტილებების მიღების დროს ადამიანის აზროვნებას აღწერს და ამტკიცებს, რომ მთავარია დამოკიდებულება ცხოვრებისადმი და ადამიანის ჩვევები, ხოლო იმისათვის, რომ მდიდარი გახდე, სულაც არ არის აუცილებელი, ბევრი ფული გქონდეს.

3. Get Good With Money: 10 Simple Steps to Becoming Financially Whole

პანდემიით გამოწვეულმა კრიზისმა აჩვენა, რომ ინვესტირება ერთ-ერთი ყველაზე კარგი საშუალებაა ფინანსური დამოუკიდებლობის მოსაპოვებლად. ავტორი აღწერს 10-ნაბიჯიან პროცესს, რომელიც დამწყებ ინვესტორებს ფინანსების სწორ მართვაში, მიზნების მიღწევაში, საბაზრო ცვლილებების ამოცნობასა და, რაც მთავარია, ფინანსური თავისუფლების მიღწევაში ეხმარება. წიგნმა უკვე მოიპოვა მრავალი პრიზი და 2021 და 2022 წლების ბესტსელერი გახდა.

4. Broke Millennial Takes on Investing: A Beginner's Guide to Leveling Up Your Money

მართალია, ეს წიგნი პანდემიამდე გამოიცა და პოსტ-პანდემიური საკითხები არ არის გათვალისწინებული, თუმცა, ავტორი შემოსავლების ზრდასთან ერთად, ხაზს უსვამს ხარჯების მართვის მნიშვნელობას. წიგნის მიხედვით, წარმატებული ინვესტორისთვის, დამწყებია იგი თუ პროფესიონალი, მნიშვნელოვანია აკონტროლოს ვალდებულებები და მათი მიხედვით განახორციელოს ინვესტიცია. ავტორი აღნიშნავს, რომ ინვესტორებმა სესხი მხოლოდ საჭიროების დროს არ უნდა აიღონ, არამედ გამოიყენონ ის დამატებით შესაძლებლობად ინვესტირების გასაზრდელად.

5. Best for New Investors: The Automatic Millionaire: A Powerful One-Step Plan to Live and Finish Rich

წიგნის წაკითხვის შემდეგ ავტომატურად მილიონერი ვერ გახდები, თუმცა, მასში კარგად არის მოთხრობილი დეტალური ნაბიჯები, როგორ შეგიძლია გაზარდო შემოსავლები. კვლავაც, ავტორი ხაზს უსვამს ინვესტორის ქცევებს, დამოკიდებულებებს, მიზნებსა და ამ ყველაფრის ისე ცვლილებას, რაც დამწყები ინვესტორისთვის საჭიროა. ავტორი მარტივი დაანგარიშებებით და დაზოგვის სხვადასხვა მეთოდით გვასწავლის, როგორ შევძლოთ ინვესტირების დასაწყებად თანხის მოძიება და პასიური შემოსავლების ნელ-ნელა გაზრდა.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.