Invoice Box არის ახალი პლატფორმა PayBox-სგან, სადაც რეგისტრაციის შემდეგ, ბიზნესებს საშუალება აქვთ დააგენერირონ ინვოისის უნიკალური კოდი და გაუგზავნონ მომხმარებელს SMS-ის, მეილის, ლინკის ან PDF ფორმით. PayBox — ის ტერმინალში მითითების შემდგომ კი, მომხმარებელი მარტივად და სწრაფად გადაიხდის თანხას. ახალი ფუნქციონალის გამოსაყენებლად, პირველ რიგში, საჭიროა ბიზნესის რეგისტრაცია და ანგარიშის შექმნა. ამ მარტივი და სწრაფი პროცედურის შემდეგ, შესაძლებელია ინვოისის დაგენერირება და უნიკალური კოდის მომხმარებლებისთვის გაგზავნა.

ინოვაციურ ელექტრონულ პორტალში, ინვოისების შესახებ სრული ინფორმაციის ნახვა არის შესაძლებელი: იქნება ეს ინვოისის სტატუსი, ნომერი, პროდუქტის ან ინვოისის კოდი, შექმნის თარიღი, პროდუქტის აღწერა, თანხა, გადახდილი თანხა, თუ გადახდის თარიღი.

დამატებით, Invoice Box-ში შესაძლებელია: ინვოისის დუბლირება, SMS-ის ხელახლა გაგზავნა, ინვოისის PDF ფორმატში ექსპორტი, დრაფტის რედაქტირება, ინვოისის გაუქმება, ინვოისის წაშლა, ინვოისის ნომრით ძებნა, ინვოისების სტატუსების მიხედვით ფილტრაცია და სხვა.

დამატებითი ინფორმაციისთვის გთხოვთ ეწვიოთ https://invoice.paybox.ge