ჯაბუა: სისტემა მოძალადეა ისევე, როგორც შალვა რამიშვილი

2 Apr. 2023, 22:19

პირველ რიგში, ძალიან დიდი მადლობა სოლიდარობისთვის. ჩემთვის ეს ძალიან მნიშვნელოვანია ასეთ, მართლაც ძალიან მძიმე, მომენტებში ჩემს ცხოვრებაში. სოლიდარობას ვუცხადებ ყველა ქალს, რომელმაც გაბედა და მოძალადე ამხილა და ასევე სოლიდარობას ვუცხადებ ყველა ქალს, რომელიც ჯერ კიდევ პოულობს ძალას საკუთარ თავში, რომ მოძალადე ამხილოს. ასევე მინდა, ბოდიში მოვუხადო დედაჩემს, რომლისთვისაც ნამდვილად არ იყო მარტივი ეს დღეები. მინდა მადლობა გადავუხადო ყველაფრისთვის მას, ის არის ყველაზე ძლიერი ქალი. მადლობა, დედა. არ ვაპირებდი სიტყვით გამოსვლას, მართლა. მაგრამ ძალიან გამაბრაზეს და მინდა, რომ ჩემი ბრაზი გაგიზიაროთ.

შალვა რამიშვილზე ლაპარაკს არ ვაპირებ, პირს არ ავიმყრალებ, მოკლედ ვიტყვი ჩემ სათქმელს. ორი დღის წინ ვიყავი მთავარ სამმართველოში გამოკითხვაზე. არ დაგიმალავთ და მცირე იმედი მქონდა, რომ სამართლებრივადაც ჩემს წვლილს შევიტანდი ამ საქმეში. თუმცა არ გამკვირვებია ის, რაც იქ დამხვდა. ძალიან მალე გამოვედი შენობიდან, რადგან ვნახე, რომ სისტემა ჩემ მხარეს არაა. სისტემა მოძალადეა ისევე, როგორც შალვა რამიშვილი. და არა მარტო სამართალდამცავი სტრუქტურა, რომელიც მთლიანად ჩამოშლილია და მის დაცვაზეა ორიენტირებული, მოძალადის დაცვაზეა ორიენტირებული და გადართული. მაგრამ ამ სისტემას არ უყვარს არა მხოლოდ ქალები, ეს სისტემა ებრძვის ბავშვებს, მოზარდებს, ებრძვის თავისუფალ აზრს, თავისუფალ მედიას, 5 ივლისი ყველას გვახსოვს ალბათ. და იცავს ორკებს, ქოც ორკებს, რომელთა მოკავშირეა თვითონ. ორიენტაციის, იდენტობისა და რელიგიის ნიშნით დევნის საზოგადოებას და ებრძვის მოზარდებს და ახალ თაობას ებრძვის ლაზარე გრიგორიადისს, რომელიც ახლა იმყოფება ნამდვილად უკანონო ამ სისტემის უკანონო ტყვეობაში. ხელისუფლებამ ის ამოარჩია მხოლოდ იმიტომ, რომ განსხვავებულად გამოიყურება. ასეთი დაბალი დონის წარმოდგენა აქვს ჩვენზე.

ბოლო ამბები:

მაკო ჯაბუა ჯაბუა: სისტემა მოძალადეა ისევე, როგორც შალვა რამიშვილი

კომენტარები

კვირის ტოპ-5

გირჩევთ

ახლა კითხულობენ