დღეს Tbilisi Open Air 2017 იწყება. ფესტივალის გულშემატკივრები და მუსიკის მოყვარულები ამ დღეს უკვე ერთი წელია ელიან. მოლოდინი მას შემდეგ გამძაფრდა, რაც 11 აპრილს ფესტივალის ორგანიზატორებმა Fabrika • ფაბრიკა-ში Open Air-ის მოწვეული არტისტების საბოლოო სია წარმოადგინეს და ღონისძიების სხვა დეტალებიც გაამხილეს.

დღეს Tbilisi Open Air 2017 ოფიციალურად გაიხსნება. ფესტივალის ტერიტორიაზე შესვლა ბილეთის მფლობელ ნებისმიერ მსურველს 16:00-დან შეუძლია. ღონისძიება Main Stage-ზე 19:00 საათზე დაიწყება და მას ქართული ჯგუფი დაგდაგანი გახსნის.

დაგდაგანის შემდეგ, 19:40 სთ.-ზე, სცენას PSYCHONAUT 4 დაიკავებს და მათი გამოსვლა დაახლოებით ერთ საათს გაგრძელდება.

20:35 სთ.-ზე მაყურებლის წინაშე ჯგუფი BACKWARMER წარდგება, მათ შემდეგ კი, 21:30 სთ.-ზე მთავარ სცენას SEVDALIZA დაიკავებს.

ფესტივალის პირველი დღე კულმინაციას 22:50 სთ.-ზე მიაღწევს, როცა Main Stage-ზე ჰედლაინერი ANATHEMA გამოვა. ამ უკანასკნელის გამოსვლას უამრავი ადამიანი მოუთმენლად ელის.

ფესტივალის სრული პროგრამა

ფესტივალის სრული პროგრამა

ფოტო: Tbilisi Open Air

16 ივნისის ერთ-ერთი მთავარი გამომსვლელი NINO KATAMADZE & INSIGHT-ია, რომლებიც მსმენელების წინაშე 20:00 სთ.-ზე, Golden Stage-ის სცენაზე წარდგებიან.

შეგახსენებთ, რომ Tbilisi Open Air სტარტს 16 ივნისს აიღებს და სამი დღის განმავლობაში, 18 ივნისის ჩათვლით გაგრძელდება. პირველი დღის ჰედლაინერი ცნობილი ბრიტანული ჯგუფი Anathema იქნება, 17-ში მთავარ სცენას Leningrad დაიკავებს, ხოლო ფესტივალს გრანდიოზულად დახურავს მსოფლიოში ცნობილი ჯგუფი Archive, რომელიც საქართველოში მეორედ ჩამოვა.

დამატებითი ინფორმაცია: