Open Air 2017-ის დაწყებამდე სულ რამდენიმე დღე დარჩა და მოლოდინი პიკს აღწევს. უკვე ხშირად ისმის კითხვები, თუ როგორ უნდა მივიდეთ საფესტივალო ტერიტორიამდე, რომელ საათამდე ივლიან ავტობუსები ან საერთოდ, ივლიან თუ არა.

ამასთან დაკავშირებით, ფესტივალის ოფიციალურმა გვერდმა სპეციალური განცხადება გაავრცელა.

განცხადებაში ნათქვამია, რომ ფესტივალის დღეებში (16, 17, 18 ივნისი), თბილისის მერიის დახმარებით, დელისის მეტროსადგურის მიმდებარე ტერიტორიიდან ფესტივალის შესასვლელამდე და უკან, 15 წუთის ინტერვალით, უფასოდ იმოძრავებს მუნიციპალური ავტობუსები. ავტობუსები ყოველდღე, 13:00 სთ.-დან 00:30-მდე ივლიან.

შეგახსენებთ, რომ Tbilisi Open Air სტარტს 16 ივნისს აიღებს და სამი დღის განმავლობაში, 18 ივნისის ჩათვლით გაგრძელდება. პირველი დღის ჰედლაინერი ცნობილი ბრიტანული ჯგუფი Anathema იქნება, 17-ში მთავარ სცენას Leningrad დაიკავებს, ხოლო ფესტივალს გრანდიოზულად დახურავს მსოფლიოში ცნობილი ჯგუფი Archive, რომელიც საქართველოში მეორედ ჩამოვა.