საინვესტიციო გადაწყვეტილების მიღებისას, ყოველთვის მნიშვნელოვანია პროფესიონალი ანალიტიკოსების შეფასებების გაცნობა. თუმცა, დაგვეთანხმები, რომ რთულია უზარმაზარი ინფორმაციის ერთ სივრცეში მოძიება და პირდაპირ შედეგების მიღება, განსაკუთრებით მაშინ, როდესაც ინვესტირებას ახლა იწყებ. სწორედ ამიტომ, გთავახობთ ერთ-ერთ ყველაზე ცნობილ პლატფორმას, Tipranks.com. Tipranks იძლევა შესაძლებლობას, რომ ერთ სივრცეში გაეცნო პროფესიონალი ანალიტიკოსების შედარებით პროგნოზებს და რაც ყველაზე მთავარია, მიზეზებსაც. გთავაზობთ ანალიტიკოსების მიერ შეფასებულ 5 ყველაზე სწრაფად მზარდ აქციას.

1. Meta Platforms (META)

ნომერ პირველი კომპანია, რომლის აქციების ყიდვასაც tipranks-ის ანალიტიკოსები გვირჩევენ, Meta Platforms-ია. ანალიტიკოსები ვარაუდობენ, რომ კომპანიის გაყიდვები თითქმის 1.5-ჯერ გაიზრდება, ხოლო ერთი აქციიდან მიღებული დივიდენდების ზრდაც 20-25%-ის ფარგლებში მერყეობს.

2. Amazon (AMZN)

პლატფორმის ანალიტიკოსების შემდეგი "ფავორიტი" კომპანია, რომლის აქციების ყიდვასაც გვირჩევენ, Amazon-ია. პანდემიის დასრულების შემდეგ, ელ-კომერციას მცირე შეფერხებები ჰქონდა, თუმცა, გიგანტმა კომპანიამ შეძლო სირთულეების გადალახვა და 2023 წელს ის ერთ-ერთი ყველაზე სწრაფად მზარდი კომპანია იქნება. წინა კვარტლის შედეგებთან შედარებით, მომდევნო კვარტლები მომგებიანი იქნება ინვესტორებისთვის.

3. Palo Alto Networks (PANW)

საერთაშორისო კიბერუსაფრთხოების და კომპიუტერული სერვისების გიგანტი პლატფორმის მომდევნო Strong Buy სიგნალის მქონე კომპანიაა. Palo Alto Networks-საც ჰქონდა გარკვეული გამოწვევები, თუმცა, ანალიტიკოსები ვარაუდობენ, რომ კომპანიის გაყიდვები 1.7 და 1.74 მილიარდ დოლარამდე გაიზრდება, რაც ინდუსტრიაში სხვა კომპანიის გაყიდვებზე მეტია.

4. Alphabet Class A (GOOGL)

მიუხედავად იმისა, რომ თითქოს ხელოვნურმა ინტელექტმა პრობლები შეუქმნა Google-ს, Tipranks-ის ანალიტიკოსები Alphabet-ის A კატეგორიის აქციების ყიდვას გვირჩევენ. მიზეზად შეიძლება ის ითქვას, რომ კომპანიამ შეძლო საკუთარი ხელოვნური ინტელექტის ბეტა ვერსიის გაშვება და არ მისცა საშუალება სხვა კომპანიებს, რომ კონკრეტულ სფეროში გადაესწროთ. მართალია, დივიდენდიდან მიღებული სარგებელი მხოლოდ 0.03 ცენტით გაიზარდა, თუმცა, იმ დიდი კონკურენციის ფონზე, რაც კომპანიას ჰქონდა და აქვს, ეს პოზიტიური ნიშანია.

5. Uber Technologies (UBER)

ცნობილი სამგზავრო კომპანია UBER-ის პანდემიური პრობლემები ეტაპობრივად უკეთესობისკენ მიდის და სწორედ ამიტომ ანალიტიკოსები და ინვესტორები მიიჩნევენ, რომ 2023 წელს, კომპანია შეძლებს მოლოდინების არათუ შესრულებას, არამედ გადაჭარბებასაც კი. მიუხედავად გამძაფრებული კონკურენციისა, რომლის ფარგლებშიც უამრავი ადგილობრივი სამგზავრო პლატფორმა იქმნება, კომპანიის მენეჯმენტი ახერხებს, რომ #1 იყოს ბაზარზე, მგზავრებისთვის უსაფრთხოების ახალი წესების შემუშავებითა და ტარიფების გაუმჯობესებით. სწორედ ამიტომ, ანალიტიკოსები ვარაუდობენ, რომ კომპანიის გაყიდვები მეორე კვარტლისთვის 8 მილიარდ დოლარამდე გაიზრდება.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.