უკრაინის დედაქალაქ კიევში, ამერიკის საელჩოში, ასაფეთქებელი მოწყობილობა შეაგდეს. ინფორმაციას ადგილობრივ პოლიციაზე დაყრდნობით როიტერსი ავრცელებს.

პოლიციის ინფორმაციით, მოწყობილობა აფეთქდა, თუმცა არავინ დაშავებულა.

უკრაინის სამართალდამცავი უწყება აღნიშნულს ტერორისტულ აქტს უწოდებს. თავდამსხმელმა მოწყობილობა საელჩოს ღობიდან გადააგდო. აფეთქება გამთენიისას მოხდა.

რუსული გამოცემის ინფორმაციით, პოლიციისთვის უცნობია, ვინ გადააგდო ასაფეთქებელი ამერიკის საელჩოს შენობის ეზოში. გამოძიება მიმდინარეობს.