მას შემდეგ, რაც ცნობილი გახდა, რომ ბლეიკ ლაივლი და რაიან რეინოლდსი მე-4 შვილს ელოდებიან, პაპარაცები და ინტერნეტის მომხმარებლები მსახიობის ფოტოებს დიდი ინტერესით ელიან. ბლეიკ ლაივლიმ ორსულობის კიდევ ერთი ფოტო გაგვიზიარა, რომელშიც თავის ტრენერ დონ სალადინოსთან ერთად სავარჯიშო დარბაზშია.

ბლეიკ ლაივლიმ ამჯერად ორი ფოტო გამოაქვეყნა, აღწერით: მანამდე და შემდეგ. "უკვე თვეებია, დონ სალადინოს სავარჯიშო პროგრამას მივყვები და რაღაც არ გამოდის", — ასე იხუმრა მსახიობმა თავის ტრენერზე და ორსულობის ფოტოც გამოაქვეყნა. ფოტოები და ხუმრობა მსახიობის გულშემატკივრებს ძალიან მოეწონათ.

შეგახსენებთ, რომ ცოტა ხნის წინ ჩასაფრებული პაპარაცებით დაღლილმა ბლეიკ ლაივლიმ ორსულობის ფოტოები თავად გააზიარა. "აი, ასე გამოვიყურები ორსული რეალურ ცხოვრებაში. ასე რომ, ის 11 პაპარაცი, რომელიც სახლთან მელოდება, იმედია, თავს დამანებებს", — დაწერა ლაივლიმ თავის ინსტაგრამზე.

ფოტო: Instagram

ბლეიკ ლაივლი და რაიან რეინოლდსი 2012 წელს დაქორწინდნენ და მათ 3 ქალიშვილი ჰყავთ. წყვილმა მე-4 შვილის სქესი ჯერ არ იცის, თუმცა რაიანის თქმით, იმედი აქვს, რომ მე-4 შვილიც გოგო იქნება.