შაბათს, 3 ივნისს, eZo Festival-ის ფარგლებში ახალი პროექტის, eZo Live-ის პირველი ივენთი გაიმართება.

EZO LIVE ფესტივალისთვის ახალი გამოწვევაა, რომელიც პატარა სცენებზე ღონისძიების ჩატარებას გულისხმობს. EZO LIVE-ზე ქართული ალტერნატიული სცენის წარმომადგენლების, ბენდების და სოლო მუსიკოსების ცოცხალი კონცერტის საღამოები გაიმართება.

ამისთვის სპეციალური მზადება მიმდინარეობს, რაც ფესტივალის ტერიტორიაზე ახალი სივრცის აშენებასაც მოიცავს. ეს ღონისძიებები შაბათობით ჩატარდება, გარდა იმ შაბათებისა, როცა EZO-ს მთავარი ივენთებია დაგეგმილი და აგვისტოს ორ კვირიანი შესვენებისა. ჯამში, სულ 10 EZO Live კონცერტი ჩატარდება.

ორგანიზატორები ფიქრობენ, რომ ფესტივალის ამ ნაწილს განსაკუთრებული მნიშვნელობა აქვს.

"ვფიქრობთ, რომ EZO Live-ის ფარგლებში ფესტივალი საშუალებას მისცემს ქართველ არტისტებს და მსმენელებს, რომ ერთმანეთი უკეთ გაიცნონ და საჭირო ენერგიით დაიმუხტონ, რაც საბოლოო ჯამში პოზიტიურ ძვრებს გამოიწვევს მუსიკისა და ხელოვნების მოყვარულებისთვის", ამბობს ორგანიზატორი.

ღონისძიებაზე დასასწრები ბილეთების შეძენა შეგიძლიათ როგორც ადგილზე, ისე ონლაინ. ადგილზე შესაძენი ბილეთის ფასი 20 ლარია, ხოლო ონლაინი 10 და 15 ლარი ღირს.

ღონისძიების პროგრამა კი ასეთია:

  • The Black Marrows ● 20:00 - 21:00
  • Afternoon Version ● 21:00 - 22:00
  • Fulspace ● 22:00 - 23:00

ივენთი 18:00საათიდან - 00:00 საათამდე გაგრძელდება.

შეგახსენებთ, რომ eZo Festival 27 მაისს, მთაწმინდის პარკში გაიხსნა. წელს, შარშანდელთან შედარებით, გაზრდილია საფესტივალო ტერიტორია და დიდი შრომის შედეგად, ინფრასტრუქტურაც გაუმჯობესებულია. ფესტივალის ფარგლებში კიდევ სამი მთავარი ღონისძიება იგეგმება, რომელიც 24 ივნისს, 15 ივლისსა და 8-9 სექტემბერს გაიმართება.