დეგნანი: იმედია, მივიღებთ ასეთივე კვალიფიციურ, კეთილსინდისიერ და პროფესიონალ სახალხო დამცველს

2 Dec. 2022, 17:20

სახალხო დამცველის საქმიანობა არის ძალიან მნიშვნელოვანი, ამავდროულად — გამოწვევებით აღსავსე ნებისმიერ დემოკრატიაში. საქართველოს კონსტიტუცია განაპირობებს, რომ სახალხო დამცველის მთავარი მანდატი გახლავთ საქართველოს თითოეული მოქალაქის უფლების დაცვა. ხშირად ამით შეიძლება, კმაყოფილი არ იყოს მთავრობა ან სხვა ადამიანები, თუმცა, სახალხო დამცველის მთავარი მოვალეობაა, ილაპარაკოს სიმართლე, როდესაც საუბარია ადამიანის უფლებების დაცვაზე.

ეს, რა თქმა უნდა, მოითხოვს ძალიან დიდ გამბედაობას, კეთილსინდისიერებასა და საქმისადმი ერთგულებას. აშშ-ს საელჩო ძალიან ამაყობს, რომ სახალხო დამცველს, ნინო ლომჯარიასა და მის გუნდს უჭერს და უჭერდა მხარს და ამ ერთობლივი თანამშრომლობით შესაძლებელი გახდა, რომ სახალხო დამცველის ოფისისა და ინსტიტუტის შესაძლებლობები განვითარდა და უფრო ეფექტურად რეაგირებს მოსახლეობის საჭიროებებზე, ადამიანების უფლებების დაცვაზე.

ჩვენთვის ძალიან დიდი პრივილეგიაა, რომ ვთანამშრომლობთ ომბუდსმენის ოფისთან. ეს გახლავთ უაღრესად მნიშვნელოვანი და ფუნდამენტურად მნიშვნელოვანი ინსტიტუტი ქვეყნის სისტემაში.

დღევანდელ კონფერენციაზე, საბოლოო ანგარიშზე ჩემზე დიდი შთაბეჭდილება მოახდინა იმ მრავალმა მიმართულებამ, რაზეც მუშაობდა და მუშაობს სახალხო დამცველი, როგორ აუმჯობესებს თავისი საქმიანობის ეფექტურობას სხვადასხვა მიმართულებით. იმედი გვაქვს, ამჟამინდელი სახალხო დამცველის შერჩევის პროცესი დასრულდება ისეთი შედეგით, რომ მივიღებთ ასეთივე კვალიფიციურ, კეთილსინდისიერ და პროფესიონალ სახალხო დამცველს, რომელსაც ექნება იმის გამბედაობა, რომ ისაუბროს და თქვას სიმართლე, როცა ვსაუბრობთ ადამიანის უფლებების დაცვაზე.

ბოლო ამბები:

კელი დეგნანი დეგნანი: იმედია, მივიღებთ ასეთივე კვალიფიციურ, კეთილსინდისიერ და პროფესიონალ სახალხო დამცველს

კომენტარები

კვირის ტოპ-5

გირჩევთ

ახლა კითხულობენ

AI ჩვენს პროფესიულ უნარებს აქვეითებს? — რას ამბობს ადრეული კვლევები