ჯენიფერ ლოპესი და ბენ აფლეკი პირველად 2002 წელს დაინიშნნენ, თუმცა 2004 წელს დაშორდნენ და სამწუხაროდ, მათი ქორწილი არ შედგა. წყვილი ახლა ისევ ერთადაა და ბედნიერად გრძნობს თავს, თუმცა, სანამ 2022 წლის ივლისში იქორწინებდნენ, გრძელი და, როგორც ჩანს, არც თუ ისე მარტივი გზა გაიარეს.

ახლა, როცა ჯენიფერი მრავალი წლის წინ ბენთან დაშორებას იხსენებს, ამბობს, რომ ეს იყო ყველაზე რთული პერიოდი მის ცხოვრებაში და ეს ამბავი შემდეგი 18 წლის განმავლობაში მის კარიერაზეც აისახა.

ფოტო: Getty Images

ფოტო: Getty Images

"ჩემთვის ძალიან მტკივნეული იყო დაშორების შემდგომი პერიოდი," — განაცხადა მომღერალმა. — "როცა წლების წინ ქორწილის ჩაშლა გადავწყვიტეთ, ეს არჩევანი ყველაზე დიდი ტკივილის მომტანი იყო ჩემთვის და გულწრფელად ისეთი შეგრძნება მქონდა, რომ მოვკვდებოდი."

ჯენიფერმა ისიც აღნიშნა, რომ ბენთან დაშორების შემდეგ ეგონა, ისეთივე ხარისხის მუსიკას ვეღარ შექმნიდა და ეს შიში წლების განმავლობაში მოქმედებდა მასზე.

"18 წლის განმავლობაში ისეთ მუსიკას ვეღარ ვქმნიდი, როგორც 2002 წელს. ისე კარგად ვეღარ გამომდიოდა. ახლა კი 20 წლის შემდეგ, ჩვენს ისტორიას ზღაპრული, ჰოლივუდისთვის უჩვეულო დასასრული აქვს."

ბენთან დაქორწინების შემდეგ, მომღერლის თქმით, შთაგონებას და უამრავ ემოციას გრძნობს და მუსიკა თავისით იღვრება მისი გულიდან.

ფოტო: Backgrid

ფოტო: Getty Images

რაც შეეხება მის ახალ მუსიკალურ ალბომს This Is Me...Now, მომღერლის თქმით, ის სიყვარულის ხელახლა პოვნაზეა და იმედი აქვს, რომ სხვა ადამიანებსაც შთააგონებს, არ დანებდნენ.

"ნამდვილი სიყვარული არსებობს და ზოგიერთი რამ სამუდამოდ გრძელდება და ნამდვილია. მინდა, ეს მესიჯი გავავრცელო სამყაროში და ეს დიდ გულწრფელობასა და მგრძნობიარობას მოითხოვს," — განაცხადა ჯენიფერმა.