ინვესტირების დაწყებამდე, მნიშვნელოვანია საინვესტიციო გეგმის შემუშავება. გეგმა მოიცავს ბიუჯეტს, სტრატეგიასა და რაც მთავარია, იმ სექტორებს თუ კომპანიებს, სადაც ინვესტირებას ვაპირებთ. მართალია, ყველა ინვესტორი დამოუკიდებლად განსაზღვრავს, თუ სად და როგორ გაანაწილებს ინვესტიციებს, თუმცა, საინტერესოა როგორ მართავენ საინვესტიციო პორტფელს ცნობილი ინვესტორები.

1. უორენ ბაფეტი — ტექნოლოგიების მოყვარული ინვესტორი

უორენ ბაფეტი ყველა დროის ერთ-ერთი ყველაზე წარმატებული ინვესტორია. დღეს ის მსოფლიოს უმდიდრეს ადამიანთა ტოპ ათეულშია. ის მართავს Berkshire Hathaway-ს, ერთ-ერთ უმსხვილეს საჯარო ვაჭრობის ჰოლდინგს, რომლის საბაზრო კაპიტალიზაცია 600 მილიარდ დოლარზე მეტია.

უორენ ბაფეტის პორტფელის დიდი ნაწილი ტექნოლოგიებს, კერძოდ, Apple-ს (AAPL) ეკუთვნის. აქციების წილი მთლიან პორტფელში 42%-მდეა. მიზეზი კი Apple-ს ყოველწლიური მდგრადი წარმატებაა.

ბაფეტის პორტფელში სიდიდით მეორე სექტორი საფინანსოა, რომელიც მისი საინვესტიციო ქონების დაახლოებით 26%-ს მოიცავს. საფინანსო მიმართულებით უორენ ბაფეტი ამერიკის ბანკის კორპორაციას ანიჭებს უპირატესობას.

უორენ ბაფეტის პორტფელის დანარჩენი ნაწილი მეტ-ნაკლებად თანაბრად ნაწილდება ისეთ სექტორებზე, როგორიცაა ენერგეტიკა, სამომხმარებლო პროდუქცია, ჯანდაცვა და ა.შ..

უორენ ბაფეტის საინვესტიციო პორტფელის ზომა, დაახლოებით, 317 მილიარდი დოლარია.

2. ბილ გეიტსი — საფინანსო სექტორის ინვესტორი

მიუხედავად იმისა, რომ ბილ გეიტსი საინვესტიციო საქმიანობა ნაკლებად გახმაურებულია, მისი პორტფელი საკმაოდ საინტერესოა.

ბილ გეიტსი უპირატესობას საფინანსო სერვისებს ანიჭებს და სწორედ ამიტომ, ის უორენ ბაფეტის კომპანიაში, Berkshire Hathaway Inc.-ში (BRK-B) ფლობს აქციებს. ბილ გეიტსის პორტფელის 53%-მდე სწორედ Berkshire Hathaway Inc.-ს უკავია.

მეორე ადგილი მის პორტფელში მრეწველობას უკავია, რომელიც მთელი პორტფელის დაახლოებით 33%-ია. ამ მიმართულებით ბილ გეიტსი ძირითადად Waste Man.agement, Inc.-ის (WM) აქციებს ფლობს. კომპანია წლებია მსოფლიოს მრავალ ქვეყანაში გარემოს დაცვის და ნარჩენების გადამუშავებით მიმართულებით წარმატებით მუშაობს.

ბილ გეიტსის საინვესტიციო პორტფელი ზომა დაახლოებით 18 მილიარდი დოლარია.

3. ჩარლი მანგერი — ყველაზე ერთფეროვანი ინვესტორი

ჩარლი მანგერი ფინანსებისა და ინვესტირების ლეგენდაა. ის არის Berkshire Hathaway-ის ვიცე-თავმჯდომარე და ამ კომპანიის წარმატების მთავარი ძალა. მანგერი ასევე ცნობილი ფილანტროპია. მისი ქონება 2,3 მილიარდ დოლარს შეადგენს.

ჩარლი მანგერის პორტფელი ძირითადად ორ მიმართულებას — ფინანსებისა და ტექნოლოგიების სერვისებს მოიცავს. ფინანსების მიმართულებით მანგერი საბანკო კომპანიებში აბანდებს ფულს, ხოლო ტექნოლოგიების განხრით — ცნობილი კომპანიების, მაგალითად, Alibaba-ს (BABA) აქციებში აკეთებს ინვესტირებას.

ჩარლი მანგერის საინვესტიციო პორტფელის ზომა დაახლოებით 180 მილიონი დოლარია.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.